Facebook Feeds
This message is only visible to admins.
Backup cache in use.
PPCA Error: Due to Facebook API changes it is no longer possible to display a feed from a Facebook Page you are not an admin of. The Facebook feed below is not using a valid Access Token for this Facebook page and so has stopped updating.
Backup cache in use.
ഇന്നത്തെ കേരള കൗമുദി പത്രത്തിൻ്റെ വാരാന്ത്യ കൗമുദിയിൽ അവരുടെ ഡൽഹി കറസ്പോണ്ടൻ്റ് ശരണ്യാ ഭൂവനേന്ദ്രൻ എഴുതിയ ഫീച്ചറാണ് ഇവിടെ പങ്കുവെക്കുന്നത്. കോവിഡ് കാലത്ത് വായിച്ച നല്ലൊരനുഭവം. വായിച്ച് കഴിഞ്ഞ ഉടനെ ശരണ്യയുടെ നമ്പർ സംഘടിപ്പിച്ച് വിളിച്ചു. അപ്പോഴാണറിയുന്നത് മുഹമ്മദ് ചാന്ദ് ക്ഷീണം കാരണം ആശുപത്രിയിൽ ചികിൽസയിലാണെന്ന്. ഡോക്ടറാകണമെന്ന ചാന്ദിൻ്റെ ആഗ്രഹം നടക്കണം. മരണത്തിൻ്റെ നൂൽപാലത്തിലൂടെ സഞ്ചരിക്കാൻ സന്നദ്ധമായ ഈ കൗമാരക്കാരൻ അതിനെന്തുകൊണ്ടും യോഗ്യനാണ്. ശരണ്യയുടെ കോൺടാക്ട് നമ്പർ: 9946103963 , മുഹമ്മദ് ചാന്ദ്: 9717335257. സേവനത്തിൻ്റെയും പ്രതിബദ്ധതയുടെയും പട്ടിണിയുടെയും വിസ്മൃതമാകുന്ന മുഖങ്ങളെ സമൂഹ മദ്ധ്യത്തിൽ അവതരിപ്പിക്കാൻ മനസ്സു കാണിച്ച ശരണ്യക്ക് അഭിനന്ദനങ്ങൾ.![]()
===================================![]()
"മൃതദേഹങ്ങളുമായി സഞ്ചരിക്കുന്ന പത്താംക്ലാസുകാരൻ ; ഉള്ളം പൊള്ളിക്കും ഈ ജീവിതകഥ"![]()
- ശരണ്യാ ഭൂവനേന്ദ്രൻ -![]()
-----------------------------------------------------------------------![]()
കൊവിഡിനെ പേടിച്ച് ലോകം വീട്ടിലടച്ചിരിക്കുമ്പോൾ രാജ്യതലസ്ഥാനത്ത് അതേ രോഗവുമായി മുഖാമുഖമുള്ള യുദ്ധത്തിലാണ് മുഹമ്മദ് ചാന്ദ് എന്ന പത്താംക്ലാസുകാരൻ. കൊവിഡ് മൃതദേഹങ്ങൾ ചുമന്ന് സംസ്കരിക്കുന്ന ജോലിചെയ്യാൻ പേടിയില്ലേ...എന്ന ചോദ്യത്തിന് മുന്നിൽ വൈറസിനെയല്ല പട്ടിണിയെയല്ലേ പേടിക്കേണ്ടതെന്ന മറുചോദ്യവുമായി അവൻ തലയുയർത്തി നിൽക്കുന്നു. കൈയിലൊരു നാണയത്തുട്ടുപോലുമെടുക്കാനില്ലാത്ത ആയിരക്കണക്കിന് മുഖങ്ങളുടെ പ്രതിനിധിയായ ചാന്ദിന്റെ ഇരുട്ടിലും വെളിച്ചം പരത്തുന്ന ജീവിതത്തിലേക്ക്....![]()
![]()
വൈറസിനെ നമുക്ക് അതിജീവിക്കാം, പക്ഷേ വിശപ്പിൽ നിന്ന് എങ്ങനെ രക്ഷപ്പെടാനാകും? കൊവിഡ് ബാധിച്ച് മരിച്ചവരുടെ മൃതദേഹങ്ങൾ കാത്ത്, ഡൽഹിയിലെ കൊവിഡ് ആശുപത്രിയായ ലോക് നായക് ജയ്പ്രകാശ് നാരായൺ ആശുപത്രിയ്‌ക്ക് മുന്നിൽ നിൽക്കുന്ന പത്താം ക്ലാസുകാരന്റെ ചോദ്യമാണിത്. കലാപം നടന്ന വടക്ക് കിഴക്കൻ ഡൽഹിയിലെ സീലംപൂർ സ്വദേശി മുഹമ്മദ് ചാന്ദിന്റെ ചോദ്യം എല്ലാവരോടുമായാണ്. കൊവിഡ് ബാധിച്ച് മരിച്ചവരുടെ മൃതദേഹങ്ങൾ ശ്‌മശാനത്തിലും ഖബറിസ്ഥാനിലുമെത്തിക്കുന്ന ജോലിയാണവന്. സംസ്‌കാരത്തിന് കൂടെയുണ്ടാവുകയും വേണം. ചുരുക്കി പറഞ്ഞാൽ 'മൃതദേഹം ചുമക്കുന്നവൻ!" മാസശമ്പളം 17,000 രൂപ.![]()
തുടക്കത്തിലെ അവന്റെ ചോദ്യത്തിന്റെ പൊരുൾ പിടികിട്ടി കാണുമല്ലോ! താനടക്കമുള്ള ഏഴുവയറിന് ലോക്ക് ഡൗണിട്ട അതേ കൊവിഡ് തന്നെ, ഇതാ ഇപ്പോൾ കുടുംബത്തിന് അന്നം നൽകുന്നുവെന്ന സത്യം ഒരൽപ്പം പരിഹാസത്തോടെയും അതിലേറെ ഗൗരവത്തോടെയും പങ്കുവയ്‌ക്കുകയാണ് തലയുയർത്തിപ്പിടിച്ച് മുഹമ്മദ് ചാന്ദ്. കൊവിഡിനെ പേടിച്ച് ലോകം വീട്ടിലടച്ചിരിക്കുമ്പോൾ, പലായനം നടത്തുമ്പോൾ, ഇങ്ങ് രാജ്യതലസ്ഥാനത്ത് കൊവിഡിനോട് ദിവസവും യുദ്ധം ചെയ്യുകയാണ് ഈ പത്താം ക്ലാസുകാരൻ. അതും കൊവിഡ് ബാധിച്ച് മരിച്ചവരുടെ മൃതദേഹങ്ങൾക്കൊപ്പം യാതൊരു പേടിയുമില്ലാതെ, അല്ലെങ്കിൽ ഉള്ളിലുള്ള കാര്യങ്ങളൊന്നും പുറത്തുകാണിക്കാതെ. രോഗം പകരാനുള്ള സാദ്ധ്യത നൂറിൽ നൂറ് ശതമാനമെന്ന് ചുരുക്കം. ദാരിദ്ര്യവും വിശപ്പും കൂടപ്പിറപ്പായിരുന്നുവെങ്കിലും കൊവിഡും ലോക്ക് ഡൗണും എരിതീയിലേക്ക് എണ്ണ പകരുന്നതായിരുന്നു. വീട്ടുവാടക, വാപ്പയുടേയും ഉമ്മയുടേയും ചികിത്സ, വീട്ടുചെലവ് ഇങ്ങനെ പ്രതിസന്ധികൾ ഓരോന്നായി ജീവിതത്തോട് അനുനിമിഷം കലഹിക്കാനെത്തിയപ്പോൾ മരണത്തെക്കുറിച്ചും അതിജീവനത്തെക്കുറിച്ചും ചിന്തിക്കാൻ തന്നെ കഠിനാദ്ധ്വാനിയായ ഈ കൗമാരക്കാരൻ പാടേ മറന്നുപോയി.![]()
![]()
പട്ടിണിയാൽ തുന്നിക്കൂട്ടിയ ജീവിതം![]()
----------------------------------------------------------- ![]()
![]()
കിഴക്കൻ ഡൽഹിയിലെ പുരാനാ സിലംപൂരിൽ കാന്തിനഗർ സ്വദേശിയായ മൊമീനിന്റെയും ഹനീസയുടെയും അഞ്ച് മക്കളിൽ രണ്ടാമനാണ് മുഹമ്മദ് ചാന്ദ്. വാടകവീടുകളിൽ നിന്ന് വാടകവീടുകളിലേക്ക് പലായനം ചെയ്യുന്ന ജീവിതമാണ്. അവിടെ തങ്ങളുടെ വിലാസത്തിന് പ്രസക്തിയൊന്നുമില്ലെന്ന് ചാന്ദ് നിലപാട് വ്യക്തമാക്കുന്നു. പിതാവ് മൊമീൻ ഡൽഹിയിലെ കൃഷ്‌ണനഗറിലെ ചുമട്ടുതൊഴിലാളിയായിരുന്നു. മൂന്നു വർഷത്തിന് മുൻപ് ചുമടെടുക്കുന്നതിനിടെ വീണു. പിന്നെ രണ്ടുവർഷത്തോളം കിടന്ന കിടപ്പിലായി. തൈറോയ്ഡും വൃക്കരോഗവുമായി ഉമ്മയും ചികിത്സയിലായി. അതോടെ മൂത്ത സഹോദരൻ സാക്കീത് പഠനം നിർത്തി പിതാവിന്റെ വഴിയെ നടന്നു. മുഹമ്മദ് ചാന്ദും സഹോദരിമാരായ റഫിയ, മുസ്‌കാൻ, സദഫ് എന്നിവർ സ്‌കൂൾ വിദ്യാർത്ഥികളായും ജീവിതം തുടർന്നു. കഴിഞ്ഞ ഫെബ്രുവരിയിൽ നടന്ന കലാപം മുതൽ വീട്ടിലേക്ക് എത്തുന്ന വരുമാനം ഏതാണ്ട് കിട്ടിയാലായി എന്ന നിലയിലായി. മാർച്ച് 23ന് ലോക്ക്ഡൗൺ കൂടി പ്രഖ്യാപിച്ചതോടെ വീട്ടിലെ അടുക്കള പൂട്ടി എന്നു തന്നെ പറയാം. പലദിവസങ്ങളിലും ഭക്ഷണം ഒരു നേരമാക്കി കുടുംബം ദിവസങ്ങൾ തള്ളിനീക്കി. '''പട്ടിണിയാണെന്ന് പറഞ്ഞാലല്ലേ പുറത്ത് അറിയൂ..."എന്ന വാക്കുകളാൽ ഹനീസ മക്കളെ സമാധാനിപ്പിച്ചു. കൊവിഡ് രോഗികളല്ലാതെ, അത്യാവശ്യക്കാരല്ലാത്ത ആരും തന്നെ ആശുപത്രികളിലെത്തേണ്ടെന്ന് കൂടിയായതോടെ സർക്കാർ ആശുപത്രിയിൽ നിന്നുള്ള സൗജന്യ മരുന്നുകളടക്കം എല്ലാം നിന്നു. എന്നിട്ടും ജീവിതം തുടർന്നു. എന്നാൽ വാടക ചോദിച്ചു വീട്ടുടമ വീടു കയറി ഇറങ്ങാൻ തുടങ്ങിയതോടെ ദാരിദ്ര്യം തെരുവിലിറങ്ങി.![]()
![]()
തീക്കളിക്ക് ഞാനില്ല![]()
------------------------------------------------------------![]()
![]()
മേയ് അവസാനത്തോടെ ആകെ സമ്പാദ്യമായ ആധാർ കാർഡ് പണയത്തിൽ വച്ച് കുറച്ച് പണം സംഘടിപ്പിച്ച് തരാമോയെന്ന് ചോദിച്ച് സുഹൃത്തിനെ സമീപിച്ചപ്പോഴാണ് ലോക് നായക് ജയ്പ്രകാശ് നാരായൺ ആശുപത്രിയിലെ 'സ്‌പെഷ്യൽ വേക്കൻസിയെ"ക്കുറിച്ച് ചാന്ദ് അറിയുന്നത്. ആശുപത്രികളിൽ നിന്ന് കൊവിഡ് ബാധിച്ച് മരിച്ചവരുടെ മൃതദേഹങ്ങൾ ശേഖരിച്ച് ഡൽഹിയിലെ ഖബറിസ്ഥാനിലും ശ്‌മശാനങ്ങളിലും എത്തിക്കണം. അവ സംസ്‌കരിക്കാൻ വേണ്ട സഹായങ്ങൾ ചെയ്യണം. മാസമാദ്യം അഞ്ചക്ക ശമ്പളം. വീട്ടിൽ ദിവസ വേതനക്കാരെ മാത്രം കണ്ട് ശീലിച്ച ചാന്ദ് മറിച്ചൊന്ന് ചിന്തിക്കാൻ നിൽക്കാതെ നേരെ ആശുപത്രിയിലെത്തി. മൃതദേഹം സംസ്‌കരിക്കാൻ കരാറെടുത്തയാളിനെ കണ്ട് ജോലി ആവശ്യപ്പെട്ടു. ''ചെറിയ പയ്യനല്ലേ നീ! കൊവിഡ് ബാധിച്ച് ചത്തു പോകും'' എന്ന കരാറുകാരന്റെ ഉപദേശമൊന്നും ചാന്ദിനെ തിരിച്ചയക്കാൻ മതിയാകുന്നതായിരുന്നില്ല. ഇതോടെ ജോലിയും ഉറച്ചു. വീട്ടിലെത്തി ഉമ്മയോടാണ് ആദ്യം കാര്യം പറഞ്ഞത്. പൊന്നുമോനെ നെഞ്ചോട് ചേർത്തു പിടിച്ച് പോകരുതെന്ന് ഉമ്മ വിലക്കി. പിറ്റേന്ന് പുലരുവോളം അവർ കരഞ്ഞു. മരണത്തിലേക്ക് മകനെ കുടുംബം തള്ളി വിടുകയാണല്ലോ എന്ന സങ്കടമായിരുന്നു അവരുടെ ഉള്ളിൽ. മകന്റെ കാലുപിടിക്കാനും ഉമ്മ തയ്യാറായെങ്കിലും ചാന്ദ് പിൻമാറാൻ തയ്യാറായിരുന്നില്ല. ഒപ്പം 'വരുന്നോ" എന്ന് ചേട്ടനും ജോലി വാഗ്ദാനം ചെയ്‌തു. എന്നാൽ തീക്കളിക്ക് താനില്ലെന്നായിരുന്നു ചേട്ടൻ സാക്കീതിന്റെ മറുപടി.![]()
![]()
ദിവസം മുപ്പതിലേറെ മൃതദേഹങ്ങൾ![]()
----------------------------------------------------------- ![]()
![]()
ജോലിക്ക് തയ്യാറെടുത്ത് അടുത്ത ദിവസം രാവിലെ തന്നെ ആശുപത്രിയിലെത്തി. കരാറുകാരൻ ഡ്രെസിംഗ് റൂമിലേക്ക് വിളിച്ച് കൊണ്ടുപോയി കൊവിഡിൽ നിന്ന് സുരക്ഷ ലഭിക്കാനുള്ള വസ്ത്രമായ പി.പി.ഇ. കിറ്റ് നൽകി. സംഗതി ഗംഭീരം. കൈയും കാലും അടക്കം ശരീരം മറഞ്ഞിരിക്കും. പോരാത്തതിന് മുഖം മറയ്‌ക്കാൻ ഫേസ് ഷീൽഡും. ഇനിയെന്തിന് കൊവിഡിനെ പേടിക്കണമെന്ന ചിന്തയിൽ സ്റ്റൈലായി പുറത്തിറങ്ങി. മൃതദേഹത്തിനായി കാത്തിരുന്നു.ആദ്യ വില്ലൻ ചൂടായി അനുഭവപ്പെട്ടു തുടങ്ങി. ആശുപത്രിയ്‌ക്കുള്ളിൽ എ.സി. റൂമിൽ നിൽക്കുന്ന ആരോഗ്യപ്രവർത്തകരെപ്പോലും ചൂടിൽ അഗ്‌നിപരീക്ഷ നടത്തുന്ന പി.പി.ഇ കിറ്റും ധരിച്ച് ഉത്തരേന്ത്യയിലെ കൊടും ചൂടിൽ വെയിലത്ത് ഇറങ്ങി നിന്ന ചാന്ദിനെ സൂര്യൻ വട്ടം ചുറ്റിച്ചു. വാടി തളർന്നുപോയിരുന്നു ആ കുഞ്ഞുമേനി. ഇതിനൊന്നും തന്നെ തോൽപ്പിക്കാനികില്ലെന്ന് മനസിനെ പറഞ്ഞു പഠിപ്പിച്ച് അവൻ ഒരു ഗ്ലാസ് വെള്ളത്തിന്റെ സഹായത്തോടെ പോരാട്ടത്തിനായി എഴുന്നേറ്റ് നിന്നു. കുറച്ചു കഴിഞ്ഞപ്പോൾ ആദ്യമൃതദേഹം എത്തി. ജീവിതത്തിലാദ്യമായി മൃതദേഹം കാണുകയാണ്. പേടിയും അങ്കലാപ്പും. 'പിടിക്കെടാ " എന്ന കൂടെയുള്ള ജോലിക്കാരന്റെ ആജ്ഞയിൽ കണ്ണും പൂട്ടി മൃതദേഹത്തെ വാരിയെടുത്ത് ആംബുലൻസിൽ കിടത്തി. ശേഷം വണ്ടിക്കുള്ളിൽ കയറി പഞ്ചാബിബാഗിലെ ശ്‌മശാനത്തിലേക്ക്. ആദ്യമൊക്കെ പത്തിൽ താഴെ മൃതദേഹങ്ങളേ ഉണ്ടായിരുന്നുള്ളൂവെന്ന് ചാന്ദ് പറയുന്നു. എന്നാൽ ഇപ്പോൾ 35 മുതൽ 40 വരെ മൃതദേഹങ്ങൾ വിവിധയിടങ്ങളിൽ എത്തിക്കണം. ''ദിവസവും എൺപതിനടുത്ത് ആളുകൾ മരിക്കുന്നുണ്ടല്ലോ. അതുകൊണ്ട് ജോലി കൂടുതലാണ്. എങ്കിലും പുണ്യപ്രവൃത്തിയാണ് ചെയ്യുന്നത് എന്ന ധൈര്യമുണ്ട്. മരിച്ചശേഷം സ്വന്തം ബന്ധുക്കൾക്കുപോലും ഒരുനോക്ക് കാണാൻ കഴിയാത്തവർക്ക് അന്ത്യകർമങ്ങൾ അർപ്പിക്കുന്നത് പുണ്യമല്ലാതെ മറ്റെന്താണ്."" പ്രായം കടക്കുന്ന പക്വതയോടെ ചാന്ദ് പറയുന്നു.![]()
![]()
ദൈവമല്ലാതെ മറ്റാരാണ് കൂട്ട്![]()
--------------------------------------------------------- ![]()
ആരും സഹായിക്കാനില്ലെന്ന തോന്നൽ ശക്തമാവുമ്പോഴാണ് ദൈവം കൂട്ടുനിൽക്കുമെന്ന ബലം ജീവിതത്തിന് മുതൽകൂട്ടാകുന്നത്. ചാന്ദിന്റെ കാര്യത്തിലും മറിച്ചല്ല. ''മറ്റാർക്ക് അറിയില്ലെങ്കിലും ദൈവത്തിന് എന്റെ കഷ്‌ടപ്പാടുകൾ അറിയാം, ദൈവം എന്റെ കൂടെയുണ്ട്, ഉച്ചയ്‌ക്ക് 12 മണി മുതൽ രാത്രി എട്ട് മണി വരെയാണ് ജോലി. വീട്ടിൽ നിന്ന് ഇറങ്ങുന്നതിന് മുമ്പ് നന്നായി പ്രാർത്ഥിക്കും. ജോലി കഴിഞ്ഞ് തിരിച്ചെത്തിയാൽ നന്നായി കുളിച്ച് വസ്ത്രമൊക്കെ മാറ്റി വൃത്തിയാകും.""ചാന്ദ് പറയുന്നു. ചാന്ദിന്റെ ആത്മവിശ്വാസത്തിനൊന്നും ഉമ്മ ഹനീസയുടെ ആധിയകറ്റാൻ ആയിട്ടില്ല. ''ഇവൻ കുഞ്ഞാണ്. ഒന്നും അറിയില്ല. എന്നാൽ വീട്ടിലെ ദാരിദ്ര്യം ഓർക്കുമ്പോൾ തടയാനുമാകില്ല."" എന്നും ജോലി കഴിഞ്ഞ് തിരിച്ചെത്തിയാൽ വീട്ടുകാർക്ക് കൊവിഡ് ബോധവത്കരണ ക്ലാസ് നൽകലാണ് തന്റെ പ്രധാന ജോലിയെന്ന് ചാന്ദ് പറയുന്നു.![]()
പഠിക്കുന്നത് പത്താം ക്ലാസിലാണെങ്കിലും ചാന്ദിന് പതിനെട്ടു വയസ് പ്രായമുണ്ട്. പഠിക്കാൻ മിടുക്കനല്ലാത്തതല്ല, മറിച്ച് രോഗം വില്ലനായെത്തിയാണ് ചാന്ദിന്റെ മൂന്ന് വർഷം കവർന്നത്. ഏഴാം ക്ലാസിൽ പഠിക്കുമ്പോൾ മുതൽ ഉമ്മയുടെ വൃക്കരോഗത്തിന്റെ ചെറിയ ചില ലക്ഷണങ്ങൾ ചാന്ദിലും കണ്ടെത്തി. മൂത്രത്തിൽ കല്ലായിരുന്നു തുടക്കം. എട്ടാം ക്ലാസിലെത്തിയതോടെ ഓപ്പറേഷൻ ചെയ്‌തു. പിന്നെ മൂന്ന് വർഷത്തോളം യൂറിൻ ബാഗായിരുന്നു സന്തത സഹചാരി. കൂട്ടുകാരൊക്കെ പഠിച്ച് മുന്നേറി. എന്നാൽ അസുഖം മാറി തിരികെ സ്‌കൂളിലെത്തി തന്നെക്കാൾ മൂന്ന് വയസ് ഇളപ്പമുള്ളവർക്കൊപ്പം പഠനം തുടർന്നു. ആദ്യമൊക്കെ 'അമ്മാവൻ'![]()
എന്ന് വിളിച്ച് പിള്ളേർ കളിയാക്കുമായിരുന്നുവെന്ന് ചാന്ദ് പറയുന്നു. സങ്കടം തോന്നിയോ അപ്പോൾ എന്ന ചോദ്യത്തിന് ''എനിക്ക് വയ്യാത്തത് കൊണ്ടല്ലേ സ്‌കൂളിൽ പോകാത്തത്. ഈ കളിയാക്കുന്നവർക്ക് അത് അറിയില്ലല്ലോ" എന്ന് സ്വതസിദ്ധമായ തന്റെ ശൈലിയിൽ ചാന്ദ് പറയുന്നു.![]()
![]()
കലാപവും കൊവിഡും കൂടി പത്താം ക്ലാസ് പരീക്ഷയും മുടക്കി. ഇക്കൊല്ലം പരീക്ഷയെഴുതാതെ പ്ലസ് വണ്ണിലേക്ക് പ്രവേശനം നേടുന്ന സി.ബി.എസ്.ഇ വിദ്യാർത്ഥികൾക്കൊപ്പം ചാന്ദുമുണ്ട്. ഡോക്‌ടറാകണമെന്നാണ് ചാന്ദിന്റെ ആഗ്രഹം. ജോലി ചെയ്ത് പഠിക്കുമെന്ന് ആത്മവിശ്വാസത്തിന്റെ പര്യായമായ ചാന്ദ് പറയുമ്പോൾ അതിലൊട്ടും അതിശയോക്തി തോന്നുകയുമില്ല. ഓൺലൈൻ ക്ലാസുകൾ ജോലിക്കിടയിലും കേട്ട് പഠിച്ച് മുന്നേറുന്നതിനിടെ പ്രതിസന്ധി കള്ളന്റെ രൂപത്തിൽ വീണ്ടുമെത്തി. ഫോണുമായി മടങ്ങി. അടുത്ത മാസത്തെ ശമ്പളം കിട്ടുമ്പോൾ പുതിയ ഫോൺ വാങ്ങി പഠനം തുടരുമെന്നും ചാന്ദ് പറയുന്നു. കൊവിഡ് മൃതദേഹങ്ങളുമായുള്ള ജോലി, നന്നായി ഇങ്ങനെ തന്നെ മുന്നോട്ട് പോകട്ടെയെന്ന് ചാന്ദിനെ ആശംസിക്കാൻ പോലും ആകില്ല. ലോകത്തെ തന്നെ മുൾമുനയിൽ നിറുത്തിയിരിക്കുന്ന കൊവിഡെന്ന രോഗത്തെക്കുറിച്ചുള്ള അജ്ഞതയാണോ അതോ കടുത്ത ദാരിദ്ര്യത്തിന്റെ ഉപ്പുരസമാണോ ചാന്ദിനെ നയിക്കുന്നതെന്ന് നിശ്ചയവുമില്ല. ചാന്ദിനെപ്പോലെ നൂറ് കണക്കിന് ആരോഗ്യപ്രവർത്തകരും കരാറുകാരും കൊവിഡിനോട് നേരിട്ട് യുദ്ധം ചെയ്യുന്നുണ്ട് ലോകത്താകെ. അസാദ്ധ്യമെന്ന് വിധിയെഴുതിയ പ്രതിബന്ധങ്ങളെ ചങ്കൂറ്റത്തോടെ നേരിട്ടവർ മാനുഷിക പരിമിതികൾ തരണം ചെയ്‌തിട്ടുള്ളവരാണെന്ന് ചരിത്രം തെളിയിച്ചിട്ടുണ്ട്. അത്തരത്തിലൊരാളാണ് ചാന്ദ്. കൊവിഡ് ബാധിതരുടെ മൃതദേഹങ്ങളുമായി ശ്‌മശാനങ്ങൾ തേടിയുള്ള അവന്റെ യാത്ര തുടരുന്നു.
''ക്രൂരമുഹമ്മദർ ചിന്തുന്ന ഹൈന്ദവച്ചോര"![]()
-----------------------------------------------------------------------![]()
കുമാരനാശാൻ തൻ്റെ 'ദുരവസ്ഥ'യിൽ എഴുതിയ ''ക്രൂരമുഹമ്മദർ ചിന്തുന്ന ഹൈന്ദവച്ചോര" എന്ന വരികൾ പൊക്കിപ്പിടിച്ച് മലബാർ കലാപം ഹൈന്ദവ വിരുദ്ധമെന്ന് വരുത്തിത്തീർക്കാൻ ബോധപൂർവ്വം ചിലർ നടത്തുന്ന ശ്രമത്തിൻ്റെ സത്യമെന്താണ്? ആശാനെ സംബന്ധിച്ച് ഗഹനമായ പഠനം നടത്തിയ ഡോ: എം.എം. ബഷീർ, 2020 ജൂൺ 28 - ജൂലൈ 05 ലക്കത്തിൽ 'കലാകൗമുദി' വാരികക്ക് നൽകിയ അഭിമുഖത്തിൽ പറയുന്നത് ശ്രദ്ധിക്കുക; "ഇതിൻ്റെ നിജസ്ഥിതി കേരളകൗമുദിയുടെ സ്ഥാപക പത്രാധിപരായ സി.വി കുഞ്ഞുരാമൻ സ്വന്തം പ്രസിദ്ധീകരണത്തിലൂടെത്തന്നെ അക്കാലങ്ങളിൽ സമൂഹത്തിൻ്റെ ശ്രദ്ധയിൽ പെടുത്തിയിട്ടുള്ളതാണ്. 1921ൽ മലബാർ കലാപം നടക്കുന്ന കാലത്ത്, മദ്രാസിൽ നിന്നും അച്ചടിച്ച് തിരുവനന്തപുരത്ത് എത്തിയിരുന്ന ഇംഗ്ലീഷ് പത്രങ്ങളിലാണ് മലബാർ വാർത്തകൾ വന്നിരുന്നത്. അന്ന് മലബാർ മദ്രാസ് പ്രവിശ്യയുടെ ഭാഗമായിരുന്നു. തിരുവനന്തപുരത്ത് ധാരാളം ഇംഗ്ലീഷുകാർ ഉണ്ടായിരുന്നതിനാൽ ആംഗലേയ ഭാഷാ പത്രങ്ങൾ ഇവിടെ എത്തുക പതിവായിരുന്നു. കുമാരനാശാൻ മദ്രാസിൽ നിന്നുള്ള ഇംഗ്ലിഷ് പത്രങ്ങൾ മുടങ്ങാതെ വായിച്ചിരുന്ന ആളായിരുന്നു. മലബാറിൽ ഖിലാഫത്ത് പ്രക്ഷോഭത്തോടനുബന്ധിച്ച് ഹിന്ദുക്കൾക്കെതിരായ വർഗീയ കലാപമാണ് നടക്കുന്നതെന്ന വിധത്തിലാണ് മദ്രാസിൽ നിന്നുള്ള ഇംഗ്ലീഷ് പത്രങ്ങൾ വാർത്തകൾ നൽകിയിരുന്നത്. ആശാൻ 'ദുരവസ്ഥ' രചിച്ചു കൊണ്ടിരുന്ന കാലവും കൂടിയായിരുന്നു അത്. ലഹളയിൽ നാടുവിട്ടു പോരുന്ന സ്ത്രീയായിരുന്നല്ലോ ദുരവസ്ഥയിലെ നായികാ കഥാപാത്രം. ഉന്നതകുല ജാതയായ ഒരു സ്ത്രീ എങ്ങനെ പുലയക്കുടിലിൽ എത്തിയെന്ന പശ്ചാതലം വിവരിക്കവെയാണ് ഇത്തരമൊരു പരാമർശം അദ്ദേഹം നടത്തിയത്. ഇംഗ്ലീഷ് പത്രങ്ങളിലെ വർഗീയച്ചുവയുള്ള നിറംപിടിപ്പിച്ച വരികൾ സ്വാധീനിച്ചതിൻ്റെ ഫലമായാണ് അത്തരമൊരു പദപ്രയോഗം അശാൻ്റെ ഭാഗത്തു നിന്നുണ്ടായതെന്നാണ് അന്വേഷണത്തിൽ മനസ്സിലാക്കാനായത്. ഇതു സംബന്ധമായി ഒരു പറ്റം മുസ്ലിം ചെറുപ്പക്കാർ അദ്ദേഹത്തിന് എഴുതിയ കത്തിനുള്ള മറുപടിയിൽ താൻ തെറ്റിദ്ധരിക്കപ്പെട്ട് ഇത്തരത്തിൽ എഴുതാനിടയായ സാഹചര്യം ആശാൻ വിശദമായി എഴുതിയിരുന്നു. ഇതിൻ്റെ പേരിൽ നിങ്ങൾ തെറ്റിദ്ധരിക്കുകയോ പ്രക്ഷുബ്ധരാവുകയോ ചെയ്യരുതെന്ന് അദ്ദേഹം മറുപടി കത്തിൽ അഭ്യർത്ഥിക്കുകയും ചെയ്തിരുന്നു. സി.വി കുഞ്ഞുരാമൻ ആ കത്തിടപാടുകൾ സംബന്ധിച്ച വിവരങ്ങൾ വിശദമായി കേരള കൗമുദിയിൽ എഴുതിയിരുന്നു. അബദ്ധം ബോദ്ധ്യമായ ആശാൻ അടുത്ത പതിപ്പിൽ അത് തിരുത്താമെന്ന് ആലപ്പുഴയിൽ തന്നെ വന്ന് കണ്ട ചെറുപ്പക്കാർക്ക് വാക്കും നൽകിയിരുന്നു. എന്നാൽ തുടർ എഡിഷൻ ഇറങ്ങുന്നതിന് മുമ്പ് അദ്ദേഹം ഈ ലോകം വിട്ടുപോവുകയാണുണ്ടായത്. ബോധപൂർവ്വം മുഹമ്മദീയരെ ഹിന്ദു വിരുദ്ധരായി ചിത്രീകരിക്കാൻ കുമാരനാശാൻ ശ്രമിച്ചിട്ടില്ല. അദ്ദേഹത്തിന് മുസ്ലിം വിരുദ്ധതയും ഉണ്ടായിരുന്നില്ല". വസ്തുത ഇതായിരിക്കെ മറിച്ചുള്ള പ്രചരണം ചരിത്ര നിഷേധമാണ്. "കവലച്ചട്ടമ്പി"യെന്ന് വെള്ളപ്പട്ടാളവും ബ്രിട്ടീഷ് കോടതികളും പോലീസ് രേഖകകളും വാരിയംകുന്നനെ വിശേഷിപ്പിച്ചിട്ടുണ്ടെങ്കിൽ അത് തന്നെയാണ് അദ്ദേഹത്തിൻ്റെ ഏറ്റവും വലിയ മഹത്വവും യോഗ്യതയും. ഗോൾവാൾക്കർക്കും സവാർക്കർക്കും സായിപ്പ് നൽകിയ "ഗുഡ് സർട്ടിഫിക്കറ്റ്" വാരിയംകുന്നന് കിട്ടിയിരുന്നെങ്കിൽ കാലം ഇന്നും ആ ഓർമ്മകൾക്കു മുന്നിൽ കാർക്കിച്ച് തുപ്പി കടന്ന് പോകുമായിരുന്നു.
ചൂഷകർക്കെതിരെ മിന്നൽപിണറായ![]()
വാരിയൻകുന്നൻ![]()
-----------------------------------------------------------------------![]()
"വാരിയൻകുന്നൻ"ചർച്ചകൾ ഈയിടെയായി കേരളത്തിലെ കലാ സാംസ്കാരിക മണ്ഡലത്തെ ചൂട് പിടിപ്പിച്ചിരിക്കുകയാണ്. അധിനിവേശ ശക്തികൾക്കെതിരെ പീഡിത വർഗ്ഗത്തിൻ്റെ രോഷാഗ്നിയിൽ രൂപംകൊണ്ട മലബാർ വിപ്ലവത്തിൻ്റെ നൂറാം വാർഷികത്തിൽ പൃഥ്വിരാജിനെ നായകനാക്കി ആഷിക് അബു സംവിധാനം ചെയ്യുന്ന" വാരിയൻകുന്നൻ" എന്ന ചിത്രവും പ്രമുഖ സംവിധായകൻ പി.ടി. കുഞ്ഞുമുഹമ്മദിൻറെ"ഷഹീദ് വാരിയൻകുന്നൻ"എന്ന ചിത്രവും രംഗത്തെത്തിയതോടെയാണ് വിവാദത്തിനു തുടക്കമായത്. ദേശഭക്തിയും ചരിത്രവും ഇതിവൃത്തമാകുന്ന സിനിമകൾ മറ്റൊരർത്ഥത്തിൽ ചരിത്രാന്വേഷണത്തിൻ്റെ പുതിയ കവാടങ്ങൾ തുറക്കുകയാണ്. പതിവ് രീതിയിലുള്ള ആരോപണ പ്രത്യാരോപണങ്ങൾക്ക് അതീതമായി പലരുടെയും രോഗാതുരവും വികലവുമായ മാനസിക വൈകൃതങ്ങൾ അറിഞ്ഞോ അറിയാതെയോ ഈ ചർച്ചകളിൽ മുഴച്ചനിൽക്കുന്നു എന്ന് നിസ്സംശയം പറയാം.![]()
![]()
കേരളത്തിലെ പല യുഗപുരുഷന്മാരും സിനിമകൾക്ക് വിഷയീഭവിച്ചിട്ടുണ്ടെങ്കിലും വാരിയൻകുന്നത്ത് കുഞ്ഞഹമ്മദാജിയുടെത് മാത്രം വിവാദമാക്കുന്നതിൻ്റെ ചിന്താപരിസരം പരിശോധിക്കപ്പെടേണ്ടതുണ്ട്. യഥാർത്ഥത്തിൽ ആരായിരുന്നു കുഞ്ഞഹമ്മദാജി? നൂറ്റാണ്ടുകൾക്ക് മുമ്പ് ഐതിഹ്യങ്ങളിൽ ജീവിച്ച വീരപുരുഷനായിരുന്നില്ല അദ്ദേഹം. ഒന്ന് തിരിഞ്ഞു നോക്കിയാൽ നമ്മുടെ വിദൂരമല്ലാത്ത ഇന്നലെകളിൽ![]()
ജീവിച്ച, ബ്രിട്ടീഷ് സാമ്രാജ്യത്വത്തിനെതിരെയുള്ള പോരാട്ട വീഥിയിൽ മിന്നൽപിണറായി അടർക്കളത്തിൽ ഉറച്ചു നിന്ന ധീര യോദ്ധാവായിരുന്നു വാരിയൻകുന്നൻ. സമാനതകളില്ലാത്ത വിധം ചെറുത്തുനിൽപ്പിന്റെ വീരേതിഹാസം രചിച്ച് കേരളത്തിലെ സ്വാതന്ത്ര്യ സമര പോരാട്ടങ്ങളിൽ വരും തലമുറക്ക് ആത്മധൈര്യത്തിന്റെ ആവേശം പകർന്നു നൽകിയ ദേശാഭിമാനി ആയിരുന്നു അദ്ദേഹം.![]()
![]()
വൈദേശികരായ ചൂഷക വർഗ്ഗവും അവർക്ക് ഒത്താശകൾ ചെയ്ത് കൊടുത്ത വഞ്ചകരും മണ്ണും വിളയും സ്വന്തമാക്കി തദ്ദേശിയരെ പീഡിപ്പിക്കുന്നതും അപമാനിക്കുന്നതും കാഴ്ചക്കാരനായി നോക്കി നിൽക്കാതെ പിറന്ന നാടിൻ്റെ മാനം കാക്കാൻ മലപ്പുറത്തെ കുന്നിൻ ചെരുവിൽ പരസ്യമായി ബ്രിട്ടീഷ് പട്ടാളം വെടിവെച്ച് വീഴ്തുന്നതുവരെ വെള്ളക്കാരുടെ മുന്നിൽ തലകുനിച്ചില്ലെന്ന തെറ്റല്ലാതെ മറ്റൊരു തെറ്റും കുഞ്ഞഹമ്മദാജി ചെയ്തിട്ടില്ല. ![]()
വാരിയൻകുന്നന്റെ ജീവിതത്തെയും പോരാട്ടങ്ങളെയും വർഗീയതയുടെയും വിദ്വേഷത്തിന്റെയും കണ്ണിലൂടെ കാണുകയും ചരിത്രത്തിലെ ഒരു സുവർണ്ണ അദ്ധ്യായത്തെ വിഷമയമാക്കുകയും ചെയ്യുന്ന തെറ്റായ പ്രവണതയോട് ചരിത്ര ബോധമുള്ള ആർക്കും യോജിക്കാൻ കഴിയില്ല.![]()
![]()
1921ൽ മലബാറിൽ നടന്ന വിപ്ലവം അതുവരെ നടന്നിട്ടുള്ള മറ്റു സമര പോരാട്ടങ്ങളിൽ നിന്ന് തീർത്തും വ്യത്യസ്തമായിരുന്നു. നൂറ്റാണ്ടുകളായി ഇടമുറിയാതെ ഒറ്റപ്പെട്ടും സംഘടിതമായും ഏറനാട് വള്ളുവനാട് പ്രദേശങ്ങളിൽ നടന്നുവന്നിരുന്ന ജന്മിത്വ വിരുദ്ധ സമരങ്ങളെ തീക്ഷ്‌ണമാക്കുകയും ജനകീയമാക്കുകയും ചെയ്യുന്നതിൽ മലബാറിലെ ഖിലാഫത്ത് പ്രക്ഷോഭം നിര്‍ണായക പങ്കുവഹിച്ചതായി കാണാം.![]()
യുദ്ധമുറയിലും സ്വഭാവത്തിലും പങ്കാളിത്തത്തിലും ഇത് വ്യത്യസ്തത പുലർത്തി. ഇന്ത്യൻ സ്വാതന്ത്രസമരത്തിലെ പ്രധാനപ്പെട്ട ജനകീയ സമരങ്ങളിൽ ഒന്നായി ചരിത്രകാരന്മാർ ''മലബാർ കലാപത്തെ" രേഖപ്പെടുത്തിയത് അതിൻ്റെ പ്രാധാന്യം പരിഗണിച്ചു കൊണ്ടുതന്നെയാണ്.![]()
ജനിച്ച നാടിനോടുള്ള അടങ്ങാത്ത അഭിനിവേശവും കൂറും തുടിച്ചുനിൽക്കുന്ന നിസ്തുലമായ സംഭവ വികാസങ്ങള്‍ക്കാണ് അക്കാലത്ത് മലബാര്‍ സാക്ഷ്യം വഹിച്ചത്. ലഹളയുടെ ഗതി നിയന്ത്രിക്കുന്നതിൽ നിര്‍ണായക പങ്കുവഹിച്ചതില്‍ പ്രമുഖനായിരുന്നു![]()
വാരിയൻകുന്നത്ത് കുഞ്ഞഹമ്മദാജി. ![]()
![]()
1857 ലെ ഒന്നാം സ്വതന്ത്ര സമരത്തിൽ ബഹദൂർഷാ സഫറിനുള്ള സ്ഥാനമാണ് മലബാറിലെ വൈദേശിക വിരുദ്ധ പ്രക്ഷോഭത്തിൽ ഹാജിക്കുണ്ടായിരുന്നത്. കഴിവും മിടുക്കും സ്വാധീനവും കൊണ്ട് അധികാരികളുടെ ഉറക്കം കെടുത്താൻ കുഞ്ഞഹമ്മദാജിക്ക് അധികം സമയം വേണ്ടി വന്നില്ല. മലബാറിലെ ഏറ്റവും ![]()
അപകടകാരിയായ പോരാളിയെന്ന് ബ്രിട്ടീഷ് ഭരണകൂടം അദ്ദേഹത്തെ വിശേഷിപ്പിച്ചതും വെറുതെയല്ല. ബ്രിട്ടീഷ് ഉദ്യോഗസ്ഥനായ എഫ്.ബി. ഇവാന്‍സിന്റെ നിരീക്ഷണം പ്രസക്തമാണ്; "ലഹളക്കാരില്‍ വെച്ച് അങ്ങേയറ്റം ആപൽകാരിയും സ്വാധീന ശക്തിയുമുള്ളവനുമാണ് കുഞ്ഞഹമ്മദാജി".![]()
ഒരു കർഷക കുടുംബത്തിലാണ് വാരിയംകുന്നൻ ജനിച്ചത്. എങ്കിലും ഉയർന്ന ചരിത്രബോധവും മത വിദ്യാഭ്യാസവും ഉണ്ടായിരുന്ന അദ്ദേഹത്തിന്റെ കുടുംബം പതിറ്റാണ്ടുകളായി നടന്ന് വന്നിരുന്ന അധിനിവേശ വിരുദ്ധ പോരാട്ടങ്ങളിലെ സജീവസാന്നിധ്യമായിരുന്നു. കുടുംബത്തിലെ ചിലയാളുകൾ മുമ്പ് നടന്ന കാർഷിക കലാപങ്ങളിൽ വീരമൃത്യു വരിച്ചതായി ചരിത്രത്തില്‍ വായിക്കാം. ഇത്തരം പോരാട്ടങ്ങളെ പ്രകീർത്തിച്ചു കൊണ്ടുള്ള ധാരാളം നാടൻ പാട്ടുകൾ ആ കാലങ്ങളിൽ പ്രചാരത്തിലുണ്ടായിരുന്നു.![]()
![]()
കോഴിക്കോട് കച്ചവട വൃത്തിയിൽ ഏർപ്പെട്ടിരുന്ന ഹാജി തൻ്റെ കർമ്മകുശലത കൊണ്ടും ധീരത കൊണ്ടും സർവ്വോപരി മറ്റുള്ളവരോടുള്ള ദയാവായ്പ് കൊണ്ടും ജനമനസ്സുകളിൽ സ്ഥാനം പിടിച്ചു. നീതിബോധവും സത്യസന്ധതയും സഹിഷ്ണുതയും അദ്ദേഹത്തിൻ്റെ മുഖമുദ്രയായിരുന്നു.![]()
1896 ല്‍ മഞ്ചേരിയിൽ നടന്ന ചരിത്രപ്രസിദ്ധമായ കർഷക ലഹളയിൽ വാരിയംകുന്നനും ബന്ധുക്കളും പങ്കെടുത്തിരുന്നു. എന്നാൽ അതിലെ പലരും ബ്രിട്ടീഷുകാരാൽ കൊല്ലപ്പെടുകയും ഹാജി രക്ഷപെടുകയുമാണുണ്ടായത്. മലബാറിൽ സ്വാധീനം ഉറപ്പിക്കാൻ ബ്രിട്ടീഷുകാർ നടത്തിയ കുതന്ത്രങ്ങളുടെ മുനയൊടിക്കാൻ അദ്ദേഹത്തിൻ്റെ ചടുലമായ നീക്കങ്ങൾക്ക് സാധിച്ചു. പക്ഷേ ഹാജിയെ കുറ്റവാളിയും കൊള്ളക്കാരനും വര്‍ഗീയവാദിയുമായി ചിത്രീകരിക്കുന്നതിൽ കൊളോണിയൽ താൽപര്യങ്ങളോട് അരു ചേർന്ന്നടന്ന ചരിത്ര രചയിതാക്കൾ ഒരു പരിധി വരെ വിജയിച്ചതായി കാണാം. കേവലം ഒരു കവലചട്ടമ്പിയെന്ന രീതിയിൽ ബ്രിട്ടീഷ് വിരുദ്ധ സമരങ്ങൾക്ക് നായകത്വം വഹിച്ച വാരിയംകുന്നനെ ചുരുക്കിക്കാട്ടാനുള്ള ശ്രമങ്ങൾ പല കോണുകളിൽ നിന്നും അന്നും ഇന്നും നടക്കുന്നുണ്ട്. സ്വാതന്ത്ര്യ സമര ചരിത്രത്തിലെ നാഴികക്കല്ലായ മലബാർ കലാപത്തെപ്പോലും വർഗ്ഗീയമായി ചിത്രീകരിക്കാൻ കൊണ്ടുപിടിച്ച് ഗൂഢശ്രമങ്ങൾ നടക്കുമ്പോൾ സമരനായകനും വക്രീകരിക്കപ്പെടുന്നതിൽ അത്ഭുതപ്പെടാനില്ല.![]()
![]()
വാരിയംകുന്നൻ്റെ ദേശസ്നേഹവും സമരാവേശവും സാമുദായിക മൈത്രിയും മനസ്സിലാക്കാൻ അന്നത്തെ കോൺഗ്രസ് ഖിലാഫത്ത് ചരിത്രവും പശ്ചാത്തലവും അറിഞ്ഞിരിക്കുന്നത് നന്നാകും. ഇന്ത്യൻ നാഷണൽ കോൺഗ്രസിൻ്റെയും ഖിലാഫത്ത് പ്രസ്ഥാനത്തിന്റെയും സംയുക്ത വേദിയായ ഭാരത മഹാജനസഭ 1920 മുതൽ സർക്കാറിനോട് നിസ്സഹകരിക്കുന്നതിനുള്ള ആഹ്വാനം നൽകിക്കഴിഞ്ഞിരുന്നു. ചെറുപ്പം തൊട്ടേ വെള്ളക്കാർക്കെതിരായിരുന്ന കുഞ്ഞഹമ്മദാജി ഈ കൂട്ടായ്മയുടെ അഭിവാജ്യ ഘടകമായി മാറിയത് സ്വാഭാവികം.![]()
ഖിലാഫത്ത് യോഗങ്ങളിൽ പങ്കെടുക്കുകയും മഹാത്മാ ഗാന്ധിയെപ്പോലെയുള്ള സ്വാതന്ത്ര്യസമര നേതാക്കളുടെ പ്രസംഗങ്ങളിൽ ആവേശം കൊള്ളുകയും ചെയ്ത വാരിയംകുന്നൻ കറകളഞ്ഞ ഒരു കോൺഗ്രസ്സുകാരൻ കൂടിയായിരുന്നു.1906 ൽ ഡാക്കയിൽ സവവ്വേന്ത്യാ മുസ്ലിംലീഗ് രൂപീകിക്കപ്പെട്ടിരുന്നെങ്കിലും മലബാറിലെ മുസ്ലിംജനവിഭാഗത്തിൽ ഒരു സ്വാധീനവും ലീഗിനുണ്ടായിരുന്നില്ല. മത രാഷ്ട്രീയത്തോട് ഒരുഘട്ടത്തിലും സമരസപ്പെടാതെയാണ് മലബാർകലാപ നായകരായ വാരിയംകുന്നത്ത് കുഞ്ഞഹമ്മദാജിയും ആലിമുസ്ല്യാരും ആദ്യം മുതൽ അവസാനം വരെ നിലകൊണ്ടത്. വർഗ്ഗീയ രാഷ്ട്രീയം വേണ്ടെന്നു വെച്ച് മതേതര രാഷ്ട്രീയത്തെ വരിച്ച ഇരുവരും ഹിന്ദു മുസ്ലിം ഭേദമന്യേ ഏറനാട്ടിലെ മുഴുവൻ ജനങ്ങളെയും ബ്രിട്ടീഷ്കാർക്കെതിരായ സമരഗോദയിൽ അണിനിരത്താനുള്ള അശ്രാന്ത പരിശ്രമമാണ് നടത്തിയിരുന്നത്. ഖിലാഫത്തു നേതാക്കളുടെ സന്ദേശങ്ങളിൽ സ്വാധീനിക്കപ്പെട്ട കുഞ്ഞഹമ്മദാജി പോലീസിന്റെ നിതാന്ത നിരീക്ഷണത്തിലായത് വെറുതെയായിരുന്നില്ല. അദ്ദേഹത്തിനെതിരെ നിരവധി കള്ളക്കേസുകൾ വെള്ളക്കാർ കെട്ടിച്ചമച്ചു. ![]()
![]()
1920 ആഗസ്റ്റ് 18 ന് ഗാന്ധിജിയും ഷൗക്കത്തലിയും പങ്കെടുത്ത കോഴിക്കോട്ടെ യോഗത്തിൽ പങ്കെടുക്കാനെത്തിയ വാരിയംകുന്നനെയും ചെമ്പ്രശ്ശേരി തങ്ങളെയും യോഗസ്ഥലത്തേക്ക് ആനയിച്ചത് ഹൈന്ദവരും മുസ്ലിങ്ങളും ഉൾപ്പെട്ട സന്നദ്ധ ഭടന്മാരായിരുന്നു എന്നാണ് ചരിത്രം പറയുന്നത്.![]()
ഹിന്ദുക്കളോടായാലും മുസ്ലിങ്ങളോടായാലും ഹാജിയുടെ സമീപനം അവർ ബ്രിട്ടീഷ് വിരുദ്ധരാണോ അല്ലയോ എന്നു നോക്കിയായിരുന്നു. ബ്രിട്ടീഷ് അനുകൂലികളായ മുസ്ലിങ്ങളും ഹിന്ദുക്കളും അദ്ദേഹത്തിൻ്റെ കടുത്ത ശിക്ഷകൾക്ക് വിധേയരായിട്ടുണ്ട്. മുസ്ലിം പക്ഷപാതിയും ഹിന്ദുവിരുദ്ധനുമാണെന്നാണല്ലോ അദ്ദേഹത്തിനെതിരെ ചില കേന്ദ്രങ്ങൾ ഉയർത്തുന്ന പ്രധാന ആരോപണം. ![]()
വിശദമായ ചരിത്ര വായന നടത്തിയവർ ആരും ഈ അഭിപ്രായത്തോട് യോജിക്കാനിടയില്ല. മുസ്ലിങ്ങൾക്ക് അനുകൂലമായി ഒരു ഘട്ടത്തിലും പക്ഷം പിടിച്ചിട്ടില്ലാത്ത ഹാജി ബ്രിട്ടീഷ് അനുകൂലികളായ ധാരാളം മുസ്ലിങ്ങളെ വധിക്കാൻ ആജ്ഞയും നൽകിയിട്ടുണ്ട്. ![]()
അക്കാലത്തെ കോൺഗ്രസ്സ് നേതൃനിരയിലെ പ്രമുഖനായിരുന്ന മാധവന്‍ നായരുമായുള്ള വാരിയംകുന്നൻ്റെ സൗഹൃദവും കരുതലും പരസ്യമായ കാര്യമാണ്. ഹൈന്ദവന്റെ വീട് കൊള്ളയടിക്കുന്ന മുസ്ലിമിന്റെ കൈവെട്ടുമെന്ന് ഹാജി പ്രഖ്യാപിച്ചു. സമരക്കാരിൽ ചില മുസ്ലിങ്ങൾ ഹിന്ദുക്കളെ അക്രമിക്കുന്നുണ്ടെന്ന് കേട്ട് അത് തടയുന്നതിന് മഞ്ചേരിയിൽ നേരിട്ടെത്തി അദ്ദേഹം നേതൃത്വം നൽകി. ബ്രിട്ടീഷ് പട്ടാളത്തെ സഹായിച്ചവര്‍ എന്ന് സംശയിക്കുന്ന മാപ്പിളമാരുൾപ്പെടെയുള്ള ഏതാനും പേർ കലാപ കാലത്ത് കുഞ്ഞഹമ്മദാജിയുടെ സൈന്യത്താൽ കൊല ചെയ്യപ്പെട്ടു എന്നത് ശരിയാണ്. അക്കൂട്ടത്തിലെ പ്രധാനി ആനക്കയത്തെ മുസ്ലിമായിരുന്ന ചേക്കുട്ടിയാണ്. വിരമിച്ച പോലീസുകാരൻ കൂടിയായിരുന്നു ബ്രിട്ടീഷുകാരിൽ നിന്ന് "ഖാൻബഹദൂർ" പട്ടം കിട്ടിയ അദ്ദേഹം. കലാപകാരികളെ ബ്രിട്ടീഷുകാർക്ക് ഒറ്റുകൊടുത്തതിൻ്റെ പേരിലാണ് വാരിയംകുന്നൻ്റെ നേതൃത്വത്തിൽ ചേക്കുട്ടിയെ കൊന്ന് തല കുന്തത്തിൽ കുത്തി മഞ്ചേരിയിലേക്ക് ജാഥ നടത്തിയത്. ചാരൻമാരുടെ ഗതി ഏത് മതക്കാരായാലും ഇതാകും എന്ന് ബോദ്ധ്യപ്പെടുത്തലായിരുന്നു അതിൻ്റെ ഉദ്ദേശം. ![]()
![]()
കുഞ്ഞഹമ്മദാജി കൃത്യമായ പെരുമാറ്റ ചട്ടങ്ങളും നിയമാവലിയും ഉള്ള ഒരു സൈനിക വ്യൂഹത്തെ പരിശീലിപ്പിച്ചത് കൃത്യമായ കണക്കുകൂട്ടലോടെയായിരുന്നു. വാരിയൻകുന്നനെപ്പോലെ ഒരു പോരാളി ഇല്ലായിരുന്നുവെങ്കിൽ മലബാർ അടങ്ങുന്ന പ്രദേശത്തിൻ്റെ ചരിത്രഗതി തന്നെ മറ്റൊന്നാകുമായിരുന്നു. അത്രമേൽ അധികാര സ്വഭാവത്തോടെയാണ് ബ്രിട്ടീഷുകാർ ഇവിടെയുള്ളവരെ കൈകാര്യം ചെയ്തിരുന്നതെന്ന്![]()
കെ. മാധവൻ നായർ ''മലബാർകലാപ'' മെന്ന തൻ്റെ പുസ്തകത്തിൽ രേഖപ്പെടുത്തുന്നുണ്ട്. ബ്രഹ്മദത്തൻ നമ്പൂതിരിപ്പാട്‌, എം.പി. നാരായണ മേനോൻ തുടങ്ങി സമരമുഖത്തുണ്ടായിരുന്ന ഒരാളും കുഞ്ഞഹമ്മദാജിയെ തള്ളിപ്പറഞ്ഞതായി ചരിത്രത്തിലെവിടെയുമില്ല. ബ്രഹ്മദത്തൻ നമ്പൂതിരിപ്പാടിൻ്റെ ''ഖിലാഫത്ത് സ്മരണകൾ" ഡോ: കെ.പി.എസ് മേനോൻ എഴുതിയ "മലബാർകലാപം; എം.പി. നാരായണ മേനോനും സഹപ്രവർത്തകരും" എന്നീ പുസ്തകങ്ങൾ ഉദാഹരണങ്ങളാണ്. മാപ്പിള ലഹളയെന്ന് ബ്രിട്ടീഷുകാർ വിളിച്ചാക്ഷേപിച്ച സാമ്രാജ്യത്വ വിരുദ്ധ സമരത്തെ വിമർശനാത്മകമായി വിശകലനം ചെയ്ത കെ. മാധവൻ നായരുടെ ![]()
"മലബാർ കലാപം" എന്ന പുസ്തകത്തിൽ പോലും വാരിയംകുന്നനെ മോശക്കാരനോ ഹിന്ദു വിരുദ്ധനോ ആയി ചിത്രീകരിക്കുന്നില്ല. 1921 ലെ "മാപ്പിളലഹള"യുടെ കേന്ദ്രങ്ങളിലൊന്നായിരുന്ന കൊണ്ടോട്ടി നെടിയിരുപ്പ് സ്വദേശിയും മുൻകാല അധ്യാപക പ്രസ്ഥാനത്തിൻ്റെ നേതാവും കമ്യൂണിസ്റ്റുകാരനുമായിരുന്ന കമ്പളത്ത് ഗോവിന്ദൻ നായർ തൻ്റെയും കുടുംബത്തിൻ്റെയും അനുഭവ സാക്ഷ്യങ്ങളെ മുൻനിർത്തി 1936-37 കാലത്ത് എഴുതിയ കവിതയിൽ മലബാർ കലാപത്തിൻ്റെ കാര്യകാരണങ്ങൾ മനോഹരമായി വിശകലനം ചെയ്യുന്നുണ്ട്. "നമ്മളുണ്ടാക്കിയ നെല്ല് ജൻമിമാരെ തീററാൻ സമ്മതിക്കാത്തതും നമ്മുടെ കാശ് ഇംഗ്ലണ്ടിലേക്കയക്കാൻ കൂട്ടുനിൽക്കാത്തതുമാണ്" കലാപത്തിൻ്റെ കാരണങ്ങളെന്നാണ് അദ്ദേഹഹം അഭിപ്രായപ്പെടുന്നത്. വാരിയംകുന്നനെ ഗോവിന്ദൻ നായർ കവിതയിൽ പ്രകീർത്തിക്കുന്നുമുണ്ട്. ഇതു പ്രസിദ്ധീകരിച്ചതിനാണ് 1944 ൽ ദേശാഭിമാനി ബ്രിട്ടീഷുകാർ കണ്ടുകെട്ടിയത്. കേരളീയ സംസ്കാരത്തെ സൂക്ഷ്മ നിരീക്ഷണം നടത്തി ഗാനരചന നിർവഹിച്ചിട്ടുള്ള പി. ഭാസ്കരൻ മാസ്റ്ററും മലബാറിലെ ഖിലാഫത്ത് സമരത്തെയും അതിലെ പോരാളികളെയും വാനോളം വാഴ്ത്തിയത് സ്മരണീയമാണ്.![]()
![]()
മാധവൻ നായർ കുഞ്ഞഹമ്മദാജിയുടെ വധത്തിനുശേഷമുള്ള സാഹചര്യം വിവരിക്കുന്നത് ഇങ്ങിനെയാണ്;![]()
"1922 ജനുവരി 20 ന് വാരിയംകുന്നത്ത് കുഞ്ഞഹമ്മദ് ഹാജി യുടെ വധശിക്ഷ നടപ്പിലാ യതോടെ മലബാർ കലാപത്തിന് അന്ത്യം കുറിക്കപ്പെട്ടു. 1857 ലെ ശിപായി ലഹളക്ക് ശേഷം ബ്രിട്ടീഷുകാർക്കെതിരെ ഇന്ത്യയിൽ നടന്നിട്ടുള്ള സമരങ്ങളിൽ വച്ച് ഏറ്റവും മഹത്തായത് മലബാർ കലാപമായിരുന്നു. കലാപത്തിന്റെ മുന്നണി പോരാളി കുഞ്ഞഹമ്മദ് ഹാജി ആയിരുന്നു. അക്രമ സമരത്തിലൂടെ ബ്രിട്ടീഷ് സര്‍ക്കാരിനെ അടിയറവ് പറയിക്കാം എന്ന് അദ്ദേഹം വിശ്വസിച്ചിരുന്നു. അഹിംസ കൊണ്ട് ഫലം ഇല്ലെന്ന് കരുതിയിരുന്ന അദ്ദേഹം അഹിംസ മാര്‍ഗം പിന്തുടർന്നില്ല. തന്റെ മതത്തെ പ്രതിരോധിക്കുന്നതിന് വേണ്ടി ഹാജി നടത്തിയ പോരാട്ടങ്ങളെ അപമാനകരമെന്ന് വിളിച്ച് കൂടാ. പ്രത്യാഘാതങ്ങള്‍ എന്ത് തന്നെ ആയാലും അദ്ദേഹത്തിന് ചില ഉറച്ച ധാരണകകള്‍ ഉണ്ടായിരുന്നു. അവക്ക് വേണ്ടി ജീവന്‍ വെടിയാ നും അദ്ദേഹം ഒരുക്കമായിരുന്നു. അത്തരത്തിലുള്ള ആളുകള്‍ ലോകത്ത്‌ ആദരിക്കപ്പെടുക തന്നെ ചെയ്യും". ബ്രിട്ടീഷ് ഒദ്യോഗിക രേഖകളും വിദേശികളും സ്വദേശികളുമായ റവന്യൂ പോലീസ് സംവിധാനങ്ങളുടെ ഭാഗമായിരുന്ന ഉദ്യോഗസ്ഥരുമല്ലാതെ മറ്റാരും വാരിയംകുന്നത്ത് കുഞ്ഞഹമ്മദാജിയെ ദയാരഹിതനെന്നോ ചട്ടമ്പിയെന്നോ ഹിന്ദു വിരുദ്ധനെന്നോ ക്ഷേത്രാക്രമിയെന്നോ വിശേഷിപ്പിച്ചതായി പ്രമാണങ്ങളുടെ പിൻബലത്തിൽ ആർക്കും ഇതുവരെയും ചൂണ്ടിക്കാണിക്കാനായിട്ടില്ല.![]()
![]()
1921 ലെ മലബാർ കലാപത്തെ ഗാന്ധിജിയും അംബേദ്കറും തള്ളിപ്പറഞ്ഞിട്ടുണ്ടെന്ന് പറഞ്ഞാണ് രാജ്യത്ത് നടന്ന ഉജ്ജ്വലമായ ഒരു സാമ്രാജ്യത്വ വിരുദ്ധ സമരത്തെ ഇകഴ്തിക്കാണിക്കാൻ ചില കേന്ദ്രങ്ങൾ ആസൂത്രിതമായി ശ്രമിക്കുന്നത്. അഹിംസയിലധിഷ്ഠിതമായ സമരങ്ങളെ മാത്രമേ ഗാന്ധിജി അംഗീകരിച്ചിരുന്നുള്ളൂ. ഭഗത് സിംഗിൻ്റെ നിലപാടുകളോട് ഒരു ഘട്ടത്തിലും മഹാത്മജി യോജിച്ചിരുന്നില്ല. ഭഗത് സിംഗിനെ തൂക്കിലേറ്റാൻ തീരുമാനിച്ച ബ്രിട്ടീഷ് നടപടിക്കെതിരായി കോൺഗ്രസ്സോ മഹാത്മാ ഗാന്ധിയോ ഒരക്ഷരം ഉരിയാടിയിരുന്നില്ലെന്നതും ആരും മറന്നു പോകരുത്. ഭഗത് സിംഗിൻ്റെ വിപ്ലവ ചെയ്തികളെ ഗാന്ധിജി തള്ളിപ്പറഞ്ഞതിൻ്റെ പേരിൽ ഭഗത് സിംഗോ അദ്ദേഹത്തിൻ്റെ നേതൃത്വത്തിൽ നടന്ന സ്വാതന്ത്ര്യ സമര മുന്നേറ്റങ്ങളോ ചരിത്രത്തിൽ ഇടം പിടിക്കാതിരുന്നിട്ടില്ല. സമാന മാനദണ്ഡം വാരിയംകുന്നൻ്റെ കാര്യത്തിലും സ്വീകരിക്കപ്പെടേണ്ടതല്ലേ? നിസ്സഹകരണ പ്രസ്ഥാനം കൊടുമ്പിരികൊളളവെ നിരായുധരായ മനുഷ്യർക്കെതിരെ വെടിയുതിർത്ത പോലീസിനെതിരെയുള്ള അമർഷം അണപൊട്ടിയൊഴികിയപ്പോൾ പ്രകോപിതരായ ജനങ്ങൾ ചൗരിചൗരയിലെ പോലീസ് സ്റ്റേഷന് തീയിട്ടു. 22 പോലീസുകാരുൾപ്പടെ 25 പേരാണ് തൽക്ഷണം വെന്തുമരിച്ചത്. പ്രസ്തുത സംഭവത്തെ തുടർന്നാണ് വളരെ മുന്നോട്ടു പോയിരുന്ന നോൺ കോപ്പറേഷൻ മൂവ്മെൻ്റ് പൊടുന്നനെ ഗാന്ധിജി പിൻവലിച്ചത്. മഹാത്മജി അംഗീകരിച്ചില്ലെന്നതിൻ്റെ പേരിൽ ചൗരിചൗര സംഭവം സ്വാതന്ത്യ സമരത്തിൻ്റെ ഭാഗമല്ലെന്ന് ഒരാളും പറഞ്ഞതായി നാം കേട്ടിട്ടില്ല. അതേ അളവുകോൽ മലബാർ കലാപ കാര്യത്തിലും സ്വീകരിക്കലല്ലേ ന്യായം? ഗാന്ധിജിക്കും അംബേദ്കർക്കുമൊക്കെ ആരംഭഘട്ടം തൊട്ടേ മലബാറിലെ ഖിലാഫത്ത് സമരത്തോട് പുറംതിരിഞ്ഞ് നിന്ന കോഴിക്കോട്ടെ കോൺഗ്രസ്സ് നേതാക്കളിൽ നിന്നാകുമല്ലോ സമരവുമായി ബന്ധപ്പെട്ട റിപ്പോർട്ടുകൾ ലഭിച്ചിട്ടുണ്ടാവുക. മലബാർ സമരത്തെപ്പറ്റി അന്നുമുതലേ സംഘടിതമായി നടത്തപ്പെട്ടിരുന്ന തെറ്റായ പ്രചരണങ്ങളും ഇരുവരുടെയും തൽസംബന്ധമായ അഭിപ്രായപ്രകടനങ്ങളെ സ്വാധീനിച്ചിട്ടുണ്ടാകാമെന്നതും വിസ്മരിച്ചുകൂടാ.![]()
![]()
ലോകത്തെവിടെയും അരങ്ങേറിയ ചൂഷണ വിരുദ്ധവും അസംഘടിതവുമായ എല്ലാ വിപ്ലവങ്ങളിലും സമരങ്ങളിലും സംഭവിച്ച തെറ്റുകളും ആശയ ഭ്രംശങ്ങളും മലബാർ കലാപ വേളയിലും ഉണ്ടായിട്ടുണ്ട്. അത് പക്ഷെ, സമര നേതാക്കളുടെയോ പോരാട്ടത്തിൻ്റെതു തന്നെയോ ആദർശങ്ങൾക്കും നിലപാടുകൾക്കും വിരുദ്ധമായിരുന്നുതാനും. മലബാറിലെ ഖിലാഫത്ത് പ്രക്ഷോഭം ഒരു ഘട്ടം പിന്നിട്ടപ്പോൾ ചില സ്ഥലങ്ങളിൽ മതാന്ധകരായ ക്രിമിനലുകളുടെയും സാമൂഹ്യ വിരുദ്ധരുടെയും ദുഷ്കൃത്യങ്ങൾകൊണ്ട് വികൃതമായിട്ടുണ്ടെന്നുള്ളത് ശരിയാണ്. അത്തരം ഹീന പ്രവൃത്തികളിൽ കുറച്ചാളുകൾക്ക് ജീവഹാനിയും നേരിട്ടുണ്ട്. വിരലിലെണ്ണാവുന്ന ബ്രിട്ടീഷ് അനുകൂലികളും കുടിയാൻ വിരുദ്ധരുമായിരുന്ന സവർണ്ണ ഹിന്ദു ജന്മികളുടെ വീടുകളും അവരുടെ ഉടമസ്ഥതയിലുള്ള ക്ഷേത്രങ്ങളും അക്രമത്തിനിരയായതും നേരാണ്. വിരലിലെണ്ണാവുന്ന മതപരിവർത്തനങ്ങളും മതമെന്തെന്നറിയാത്ത ക്രിമിനൽ മാപ്പിളമാരിൽ നിന്ന് ഹൈന്ദവ സഹോദരങ്ങൾക്ക് നേരിടേണ്ടിയും വന്നിട്ടുണ്ട്. എന്നാൽ അത്തരം മനുഷ്യത്വ രഹിതമായ തോന്നിവാസങ്ങൾ ആലിമുസ്ല്യാരോ വാരിയംകുന്നത് കുഞ്ഞഹമ്മദാജിയോ അറിയപ്പെടുന്ന സമര നേതാക്കളാരെങ്കിലുമോ അംഗീകരിച്ചില്ലെന്ന് മാത്രമല്ല, അതിനെ ശക്തമായി അപലപിക്കുകയും തങ്ങളുടെ മുന്നിലെത്തിയ അത്തരം പരാതികളിൽ കർക്കശ ശിക്ഷ ബന്ധപ്പെട്ടവർക്ക് നൽകുകയും ചെയ്തതിന് വ്യക്തമായ തെളിവുകളുണ്ട്. അവ സൂക്ഷ്മ നിരീക്ഷണം നടത്താതെ 1921 ൽ ഏറനാട് വള്ളുവനാട് താലൂക്കുകളിൽ നടന്ന ഖിലാഫത്ത് ലഹളയെ അപഗ്രഥിക്കുക സാദ്ധ്യമല്ല. എന്നാൽ അത്തരം ഒറ്റപ്പെട്ട സംഭവങ്ങൾക്ക് അമിത പ്രധാന്യം നൽകി പർവ്വതീകരിച്ച് മലബാറിൽ നടന്ന ബ്രിട്ടീഷ് വിരുദ്ധ സായുധ പോരാട്ടത്തെയും അതിനു നേതൃത്വം നൽകിയ ധീരൻമാരായ ദേശസ്നേഹികളെയും പിറന്ന മണ്ണിനോടുള്ള കൂറും പ്രത്യയശാസ്ത്ര പ്രതിബദ്ധതയും ഉയർത്തിപ്പിടിച്ച് ആ വിമോചന മുന്നേറ്റത്തിൽ പങ്കാളികളായ സാധുക്കളായ മനുഷ്യരേയും ഭൽസിക്കുന്നത് ചരിത്രത്തോടു ചെയ്യുന്ന മഹാപരാധമായിരിക്കും. ![]()
![]()
ഉൽകൃഷ്ടമായ ഒരു ലക്ഷ്യം ഖിലാഫത്ത് പ്രക്ഷോഭകർക്കുണ്ടായിരുന്നുവെന്ന സത്യം ബോദ്ധ്യപ്പെട്ടത്കൊണ്ട് തന്നെയാകുമല്ലോ കോട്ടക്കൽ ആര്യവൈദ്യശാലയുടെ സ്ഥാപകനും വിശ്വപ്രസിദ്ധനുമായ വൈദ്യരത്നം പി.എസ്. വാര്യർ കലാപകാരികൾക്ക് തന്നാലാവുന്ന സഹായങ്ങൾ നൽകിയത്. ലഹളക്കാരുടെ നേതാക്കളെ കാണണമെന്ന ആഗ്രഹം അദ്ദേഹം പ്രകടിപ്പിച്ചെന്നറിഞ്ഞ് അവിടെയെത്തിയ സമര നേതാക്കൾ പി.എസ് വാര്യരുമായി സുദീർഘം സംസാരിച്ചതും അവർക്ക് ചായ നൽകിയതും മടങ്ങിപ്പോകുമ്പോൾ 500 രൂപയും നെല്ലിൻ ചാക്കുകളും സംഭാവന നൽകിയതും കോട്ടക്കൽ ആര്യവൈദ്യശാലയുടെ പ്രസിദ്ധീകരണ വിഭാഗം പ്രസിദ്ധീകരിച്ച വൈദ്യരത്നത്തിൻ്റെ ജീവചരിത്രത്തിൽ കാണാം. സമരക്കാരുടെ വിഹാരഭൂമിയായിരുന്നിട്ട് പോലും ആര്യവൈദ്യശാലയുടെ ഒരോടിന് പോലും കലാപവേളയിൽ നാശം സംഭവിച്ചില്ലെന്നത് നമ്മെ ഇരുത്തിച്ചിന്തിപ്പിക്കേണ്ടതാണ്. തൻ്റെ സ്ഥാപനം അക്രമിക്കപ്പെടുമെന്ന ഭയം കൊണ്ടായിരിക്കും പി.എസ് വാര്യർ സംഭാവന നൽകിയതെന്നാണ് മറുവാദമെങ്കിൽ എന്തിനായിരുന്നു കലാപാനന്തരം കഷ്ടപ്പെടുകയും പട്ടിണി കിടക്കുകയും ചെയ്ത മാപ്പിളമാർക്കായി അടിയന്തിര സഹായം നൽകണമെന്നാവശ്യപ്പെട്ട് ബ്രിട്ടീഷ് അധികാരികൾക്ക് പി.എസ്. വാര്യർ കത്തെഴുതിയത്? ഭാരതീയ സേവാ സംഘം പ്രസിഡണ്ട് ജി.കെ. ദേവ്ധർ വാര്യറെ കണ്ട് കാര്യങ്ങൾ ചർച്ച ചെയ്യാൻ കോട്ടക്കലെത്തിയപ്പോൾ 'നിങ്ങളുടെ ആശ്വാസ നടപടികൾ ഹിന്ദുക്കൾക്ക് മാത്രം പോരെന്നും കൊടിയ വിഷമതകൾ ബാധിച്ചിട്ടുള്ള മാപ്പിള സ്ത്രീകൾക്കും കുട്ടികൾക്കും കൂടി നൽകേണ്ടതാണെന്നും, നിരാലംബരായ അവരെ സംരക്ഷിക്കേണ്ടത് ധർമ്മം മാത്രമാണെന്നും' അദ്ദേഹം എന്തിനാണ് പറഞ്ഞത്? സംശയമുള്ളവർക്ക് ആര്യവൈദ്യശാല പ്രസിദ്ധീകരിച്ച പി.എസ്. വാര്യരുടെ ജീവചരിത്രം പരിശോധിക്കാവുന്നതാണ്. ദേവധാർ തന്നെ ഇക്കാര്യം ബോംബെയിൽ നിന്ന് പ്രസിദ്ധീകരിച്ചിരുന്ന 'Times of India' എന്ന പത്രത്തിൽ മലബാർ കലാപത്തെക്കുറിച്ചെഴുതിയ ലേഖനത്തിൽ പരാമർശിച്ചിരുന്നു. ഇന്നലെകൾ പുനർവായിക്കപ്പെടുന്നത് പറ്റിയ പിശകുകൾ ആവർത്തിക്കാനല്ല; മറിച്ച് മനുഷ്യസഹജത കൊണ്ട് സംഭവിച്ച അത്തരം അബദ്ധങ്ങൾ തിരുത്തി, സൗഹൃദം കാത്തുസൂക്ഷിച്ച് മുന്നോട്ടു പോകാനാണ്.![]()
![]()
കാര്യങ്ങളുടെ വസ്തുതാപരമായ വിശകലനത്തില്‍ നിന്ന് തെന്നി വർഗ്ഗീയ - രാഷ്ട്രീയ താൽപര്യങ്ങളും അന്ധമായ ചരിത്ര വിരോധവും സൃഷ്ടിക്കുന്ന സാമുദായിക ധ്രുവീകരണതിന്റെ അപകടകരമായ പരിണിതികളെ കേരളത്തിന്റെ സാംസ്കാരിക പരിസരം വളരെ ഗൗരവമായിത്തന്നെ കാണണം. മലബാർ, മലപ്പുറം എന്നൊക്കെ കേള്‍ക്കുമ്പോഴേക്കും വര്‍ഗീയതയുടെ ഈറ്റില്ല മെന്ന ബ്രിട്ടീഷ് ചരിത്ര വ്യാഖ്യാനത്തെ അണ്ണാക്കു തൊടാതെ വിഴുങ്ങുന്നവരും, മതവൈരം ജനങ്ങൾക്കിടയിൽ രൂഢമൂലമാക്കി നിലനിർത്താൻ ഉൽസുകരായ അവരുടെ പാദസേവകരും വാരിയംകുന്നനെന്ന ധീരനായ ബ്രിട്ടീഷ് വിരുദ്ധ പോരാളിയെ സത്യസന്ധമായി വിലയിരുത്തിക്കൊള്ളണമെന്നില്ല. ഭിന്നിപ്പിച്ചു ഭരിക്കുക എന്ന ബ്രിട്ടീഷുകാരുടെ കുടില തന്ത്രം അതേപടി പകർത്തുന്നവർ അധിനിവേശ ശക്തികളുടെ അധികാര താൽപര്യങ്ങളുടെ പിന്മുറക്കാരല്ലാതെ മറ്റാരാണ്? അത്തരം അബദ്ധജടിലമായ വിശകലനങ്ങൾ രാജ്യത്തിൻ്റെ അടിസ്ഥാന ബഹുസ്വര മൂല്യങ്ങളെ തുരങ്കം വെക്കാൻ മാത്രമേ ഉപകരിക്കൂ. ഒരു കലാകാരന്റെ ആവിഷ്കാര സ്വാതന്ത്ര്യത്തെപ്പോലും നിഷേധിക്കുന്ന ഇത്തരം ഫാഷിസ്റ്റ് മനോഭാവങ്ങളെ സമൂഹം തള്ളിക്കളയുകയാണ് വേണ്ടത്. ഇന്ത്യയിൽ നടന്ന അധിനിവേശ വിരുദ്ധ പോരാട്ടങ്ങളുടെ ഒറ്റുകാരായി നിന്ന് ബ്രിട്ടീഷുകാരുടെ അടുത്തൂൺ പറ്റി ജീവിച്ചവരാണ് എക്കാലത്തും ചരിത്രവിരുദ്ധമായ പ്രചാരണങ്ങളുടെ മുന്‍നിരയില്‍ എന്നത് കേവല യാദൃശ്ചികതയായി കാണരുത്. ലോകത്തിന്റെ നാലില്‍ ഒരു ഭാഗം അടക്കി വാണിരുന്ന ബ്രിട്ടീഷ് സാമ്രാജ്യത്തിനെതിരെ ചെറുത്തുനിൽപ്പിൻ്റെ കോട്ടകൾ തീർത്ത് അഞ്ചു മാസത്തേക്കാണെങ്കിൽ പോലും ഒരു "മലയാള രാജ്യം" സ്ഥാപിച്ച വാരിയംകുന്നത്ത് കുഞ്ഞഹമ്മദ് ഹാജിയെപ്പോലെയുള്ള ധീര ദേശാഭിമാനികളെ സത്യസന്ധമായി ഓര്‍ത്തെടുക്കുന്നതും ആവിഷ്കരിക്കുന്നതും കാലത്തോട് ചെയ്യുന്ന നീതി മാത്രമാണ്. സർവ സന്നാഹങ്ങളും ഉപയോഗിച്ച് ചരിത്രത്തെ വക്രീകരിക്കുകയും പ്രതിലോമപരമായ ചരിത്ര നിർമിതി ഔദ്യോഗികമായിത്തന്നെ ആസൂത്രിതമായി നടത്തപ്പെടുകയും ചെയ്യുന്ന വർത്തമാന സാഹചര്യത്തിൽ വരിയൻകുന്നന്റെ ചരിത്രത്തോട് നീതിപുലർത്തുന്ന വിപ്ലവകരമായ ഉദ്യമങ്ങൾ പ്രോത്സാഹിപ്പിക്കപ്പെടേണ്ടതാണ്. വര്‍ഗീയതയുടെ മേമ്പൊടി ചേര്‍ത്തു കുഴച്ച് വാര്‍ത്തെടുക്കുന്ന ചരിത്ര നിര്‍മിതി അധിനിവേശ ശക്തികളുടെ ഏറ്റവും വലിയ ആയുധമാണെന്ന് നാം തിരിച്ചറിയേണ്ടതുണ്ട്. പൃഥിരാജും ആഷിക് അബുവും ഒരുമിച്ചു ചേർന്ന് നടത്തുമെന്ന് പ്രതീക്ഷിക്കപ്പെടുന്ന ഓര്‍മ്മപ്പെടുത്തലുകള്‍ ഇരുട്ടിൻ്റെ ശക്തികളെ തിരസ്കരിക്കാനുള്ള വിളക്കുമാടങ്ങളാകട്ടേ എന്ന് നമുക്കാശിക്കാം.