Facebook Feeds
This message is only visible to admins.
Backup cache in use.
PPCA Error: Due to Facebook API changes it is no longer possible to display a feed from a Facebook Page you are not an admin of. The Facebook feed below is not using a valid Access Token for this Facebook page and so has stopped updating.
Backup cache in use.
അന്തരിച്ച താമരശ്ശേരി രൂപതയുടെ മുന്‍ ബിഷപ്പ് മാര്‍ പോള്‍ ചിറ്റിലപ്പിള്ളിയുടെ ഭൗതിക ശരീരത്തില്‍ താമരശ്ശേരി മേരി മാതാ കത്തീഡ്രലില്‍ അന്തിമോപചാരമര്‍പ്പിച്ചു. കേരളത്തിലെ വലിയ രൂപതകളില്‍ ഒന്നായ താമരശ്ശേരി രൂപതയുടെ മെത്രാന്‍ ആയിരിക്കെ വിശ്വാസി സമൂഹത്തിലും പൊതുസമൂഹത്തിലും വലിയ സൗഹൃദവും അംഗീകാരവും നേടാനായ പുരോഹിതനായിരുന്നു ചിറ്റിലപ്പിള്ളി. മലയോര മേഖലയില്‍ അദ്ദേഹം ചെലുത്തിയ സ്വാധീനം ചെറുതല്ലായിരുന്നു. സമൂഹത്തിലെ എല്ലാ വിഭാഗമാളുകള്‍ക്കും അദ്ദേഹം തുല്യ പരിഗണന നല്‍കിയിരുന്നു. ![]()
![]()
വിനയവും എളിമയും അദ്ദേഹത്തിന്റെ മുഖമുദ്രയായിരുന്നു. പിതാവിന്റെ വിയോഗം സമൂഹത്തിനും പ്രത്യേകിച്ച് ക്രൈസ്തവ സമൂഹത്തിനും ഉണ്ടാക്കിയ ദു:ഖത്തില്‍ പങ്കു ചേരുന്നു. സഹപ്രവര്‍ത്തകരായ എം.എ. റസ്സാഖ് മാസ്റ്റര്‍, എ. അരവിന്ദന്‍, സി.കെ. കാസിം, പി.പി. ഹാഫിസ് റഹിമാന്‍, അഡ്വ. ബിജു കണ്ണന്തറ, സുബൈര്‍ വെഴുപ്പൂര്‍ എന്നിവര്‍ കൂടെയുണ്ടായിരുന്നു.
ഇന്ന് അധ്യാപക ദിനം. ഈ ദിനത്തിന്റെ ഓര്‍മയില്‍ എന്റെ മുമ്പില്‍ ആദ്യം വരുന്നത് അധ്യാപകനായിരുന്ന എന്റെ പിതാവിന്റെയും അന്ന് വിദ്യാര്‍ത്ഥിയായിരുന്ന എന്റെയും പവിത്രമായ സ്നേഹ ബന്ധമാണ്. ![]()
![]()
ഞാന്‍ ഹൈസ്‌കൂളില്‍ പഠിച്ചത് എന്റെ നാടായ വാഴക്കാട് നിന്നും വളരെ ദൂരത്തുള്ള ചാലിയം സ്‌കൂളിലായിരുന്നു. അന്നുതന്നെ നല്ല പേരുള്ള സ്കൂളായിരുന്നു അത്. മാത്രമല്ല ഹെഡ്മാസ്റ്റര്‍ എന്റെ പിതാവിന്റെ ബന്ധുകൂടിയായിരുന്നു. അന്ന് സ്‌കൂളില്‍ പ്രബന്ധ മത്സരത്തിന്റെ വിഷയം നിങ്ങളുടെ റോള്‍ മോഡല്‍ ആരാണ് എന്നതായിരുന്നു. ഞാന്‍ അതില്‍ പങ്കെടുത്തിരുന്നു. ഞാന്‍ വളരെ ആലോചിച്ചു. ചെറുപ്പത്തിലേ കേട്ടു പരിചയിച്ച ദേശീയ നേതാക്കളുടെയൊക്കെ പേരുകള്‍ മനസ്സിലേക്ക് കയറിവരുന്നതിനിടക്ക് ഞങ്ങളെയെല്ലാം വളരെയധികം കഷ്ടപ്പെട്ട് വളര്‍ത്തുന്ന ഞങ്ങളുടെ ഉപ്പയുടെ ചിത്രം മനസ്സിലേക്കെത്തി. എന്റെ സ്വഭാവം രൂപീകരിക്കുന്ന, നിയന്ത്രിക്കുന്ന കാര്യത്തിലൊക്കെ സ്വാധീനം ചെലുത്തിയത് എന്റെ പിതാവ് തന്നെയാണ്. ആ ചിന്ത എന്നില്‍ വന്നു. ഞാന്‍ എഴുതി എന്റെ ഏറ്റവും വലിയ റോള്‍ മോഡല്‍ എന്റെ പിതാവാണെന്ന്. അങ്ങനെ ഞാന്‍ എഴുതാനുള്ള കാരണം വെറുതെയല്ല. ഞങ്ങളെല്ലാം ചെറിയ കുട്ടികളായിരുന്ന സമയത്ത് എന്റെ ബാപ്പ മാഷായിരുന്നു. അന്ന് മലപ്പുറത്ത് മാത്രമായിരുന്നു ട്രെയിനിംഗ് കോളേജ് ഉണ്ടായിരുന്നത് . അവിടെ പഠിച്ച് മാഷ് ആയ ആളാണ് ബാപ്പ . ഞങ്ങളുടെ വീട്ടിന് അടുത്തുള്ള ചീക്കോട് പറപ്പൂര്‍ സ്‌കൂളിലായിരുന്നു ബാപ്പ സേവനം അനുഷ്ഠിച്ചിരുന്നത് . അവിടെന്ന് എന്റെ വീട്ടിലേക്ക് വരാനുള്ള റോഡില്ലായിരുന്നു. ഞങ്ങളുടെയടുത്തുള്ള എടവണ്ണപ്പാറ അങ്ങാടിയൊന്നും ഇന്നത്തെപോലെ ആയിട്ടില്ല. ചീക്കോട് നിന്നു വന്നാല്‍ എടവണ്ണപ്പാറ അങ്ങാടിയില്‍ നിന്നും രണ്ടോ മൂന്നോ ചൂട്ട് വാങ്ങും. അത് കത്തിച്ച് പകല്‍ തന്നെ ആളുകള്‍ക്ക് പോകാന്‍ പേടിയുണ്ടായിരുന്ന കൗകുത്താന്‍കുന്ന് കയറിയിറങ്ങിയാണ് രാത്രി വൈകി ബാപ്പ വരിക. ബാപ്പ വരുന്നതും കാത്ത് കുറെ നേരമിരുന്ന് ചിലപ്പോ ഉറങ്ങിപോകും. ഇന്ന് അത് ഊഹിക്കാന്‍ പോലും കഴിയില്ല. എങ്ങനെയാണ് കഷ്ടപ്പെട്ട് മക്കളെ പോറ്റിയതെന്ന് ഇന്ന് പറഞ്ഞാല്‍ പോലും ആരും വിശ്വസിക്കാത്തതായിരുന്നു അന്നത്തെ സാഹചര്യം. ![]()
![]()
ഞങ്ങള്‍ മക്കളുടെ എല്ലാ സ്വഭാവവും രൂപപ്പെടുത്തിയത് ബാപ്പ തന്നെയാണ്. ഭക്ഷണം കഴിക്കുന്നതാകട്ടെ, ആളുകളോട് പെരുമാറുന്നതാകട്ടെ, എങ്ങനെ ചിരിക്കണം, എങ്ങനെ നോക്കണം തുടങ്ങിയ കാര്യങ്ങളെല്ലാം പഠിപ്പിച്ച് തന്നത് പിതാവ് തന്നെയാണ്. ![]()
![]()
ഞാന്‍ ചെറിയ ക്ലാസുകളില്‍ പഠിക്കുന്ന സമയത്ത് തന്നെ സാഹിത്യസമാജത്തിലൊക്കെ പ്രസംഗിക്കുന്ന ശീലമുണ്ടായിരുന്നു. അതിനുള്ള പോയന്റ്സൊക്കെ പിതാവ് തന്നെയായിരുന്ന പറഞ്ഞു തന്നിരുന്നത്. ഞാന്‍ പറയുന്നത് ശരിയാണോയെന്ന് നോക്കാന്‍ ചില സമാജങ്ങളില്‍ ബാപ്പ തന്നെ വന്നിരിക്കുമായിരുന്നു. വീട്ടിലെത്തിക്കഴിഞ്ഞാല്‍ ബാപ്പ പറയും അത് അങ്ങനെയല്ല ഇങ്ങനെയാണ് വേണ്ടത് . ആക്ഷന്‍ വരെ പറഞ്ഞു തരും. ശരിക്ക് പറഞ്ഞാല്‍ എന്റെ പ്രസംഗ ശൈലി രൂപപ്പെടുത്തിയെടുക്കുന്നതില്‍ പ്രധാന പങ്ക് വഹിച്ചത് ബാപ്പ തന്നെയാണ്. ![]()
![]()
ഞാന്‍ ഓര്‍ക്കുകയാണ്. അന്ന് ഫസ്റ്റ് എയ്ഡുമായി ബന്ധപ്പെട്ട കാര്യങ്ങള്‍ ക്ലാസുകളില്‍കാണിക്കുന്ന പതിവ് ട്രെയിനിംഗിന്റെ ഭാഗമായി ഉണ്ടായിരുന്നു. അതിനെല്ലാം തന്നെ ഉപയോഗിച്ചിരുന്നത് എന്നെ തന്നെയായിരുന്നു. മുറിവു പറ്റുന്നത്, മുറിവ് കെട്ടല്‍. അപകടങ്ങളില്‍ നിന്നുള്ള രക്ഷപ്പെടല്‍. അതൊക്കെ ഒരു ധീരകൃത്യമെന്ന നിലയില്‍ ഞാന്‍ ശരിക്കും ആസ്വദിച്ചിരുന്നു. ![]()
![]()
അന്നും ഇന്നും എന്റെ ജീവിതത്തിലെ റോള്‍ മോഡലും മെന്ററും അധ്യാപകനുമെല്ലാമെല്ലായി കാണുന്നതില്‍ പ്രധാനി എന്റെ പിതാവ് തന്നെയാണ് . ഒരു അധ്യാപകന്റെ മകന്‍ എന്ന നിലയില്‍ അതിവിടെ കുറിച്ചിടുന്നതിൽ ഏറെ അഭിമാനമുണ്ട്. ഇത് ഒരു അധ്യാപകന്റെ മകനായത് കൊണ്ടുള്ള അനുഭൂതി മാത്രമല്ല. എല്ലാ അധ്യാപകന്‍മാരെ കുറിച്ചും ഉണ്ടാകുന്ന ചിന്ത വളരെ വലുതാണ്. കാരണം നമ്മുടെ ജീവിതത്തിലേക്ക് വരുന്ന പലരേയും നമ്മള്‍ ഓര്‍ത്തെന്നും ഓര്‍ത്തില്ലെന്നും വരും. പക്ഷെ പഠിപ്പിച്ച ഒരധ്യാപകനെ നമ്മള്‍ ഒരിക്കലും മറക്കില്ല. നമ്മള്‍ ചികിത്സിച്ച ഡോക്ടറെ മറക്കാം, എന്‍ജിനീയറെ മറക്കാം, വക്കീലിനെ മറക്കാം പക്ഷെ ഒരധ്യാപകന്‍ ഏത് കാലത്തും ആ അധ്യാപകന്റെ വേഷം എങ്ങനെയായിരുന്നു, അദ്ദേഹത്തിന്റെ സ്‌റ്റൈല്‍ എങ്ങനെയായിരുന്നു. ആണ്‍കുട്ടികളാണെങ്കില്‍ മാഷന്‍മാരുടെ മീശയും പാന്റിന്റെ മോഡലും പെണ്‍കുട്ടികള്‍ ടീച്ചര്‍മാരുടെ സാരിചുറ്റലും പൊട്ടു തൊടലും വരെ അങ്ങനെ നിസാരമായ കാര്യങ്ങള്‍ വരെ നമ്മുടെനിത്യ ജീവിതത്തില്‍ ഓര്‍മിപ്പിച്ചുകൊണ്ടിരിക്കുന്ന ഒരാളാണ് അധ്യാപകന്‍ എന്ന് പറയുന്നത്. ![]()
![]()
ഞാന്‍ വിദ്യാഭ്യാസ മന്ത്രിയായിരുന്ന സമയത്ത് എന്നെ പഠിപ്പിച്ച മാഷന്‍മാര്‍ ഓരോ കാര്യങ്ങളുമായിട്ട് കാണാന്‍ വരാറുണ്ടായിരുന്നു. അപ്പോള്‍ മാഷ് പോകുന്നത് വരെ മുമ്പില്‍ ഇരിക്കാറില്ല. പ്രശ്‌നമൊന്നുമുണ്ടായിട്ടല്ല. ഇരിക്കാന്‍ തോന്നില്ല. മാത്രമല്ല നമ്മള്‍ എന്തെങ്കിലും പറയുന്ന സമയത്ത് തെറ്റ് മാഷ് കണ്ടുപിടിക്കുമോ എന്ന് ഉള്ളിലൊരു പേടി ഉണ്ടാകാറുണ്ട്. അതങ്ങനെയാണ്. ![]()
![]()
അതിരുകളില്ലാത്ത സ്നേഹമാണ് മാഷന്മാരോട് എല്ലാവര്‍ക്കും. അവര്‍ക്കെല്ലാം നന്‍മ വരട്ടെ എന്ന് നമ്മള്‍ എപ്പോഴും പ്രാര്‍ത്ഥിക്കും. പ്രാര്‍ത്ഥിക്കുന്ന കൂട്ടത്തില്‍ എടുത്തുപറയുന്നതാണല്ലോ ഗുരുനാഥന്‍മാര്‍ക്ക് വേണ്ടിയുള്ള പ്രാര്‍ത്ഥന. ഈ അവസരത്തില്‍ ഞാന്‍ ഗരുനാഥന്‍മാര്‍ക്ക് വേണ്ടി പ്രാര്‍ത്ഥിക്കുന്നു. നമ്മളെയെല്ലാം പഠിപ്പിച്ച് ഇപ്പോള്‍ ജീവിച്ചിരിപ്പില്ലാത്ത ആളുകളുടെ പരലോകമോക്ഷത്തിന് വേണ്ടിയും ഇപ്പോള്‍ ജീവിച്ചിരിക്കുന്ന ആളുകള്‍ക്ക് അവര്‍ക്ക് ബുദ്ധിമുട്ടില്ലാത്ത വിധത്തിലുള്ള ജീവിതം ഉണ്ടാകട്ടെ എന്നും. അതായിരിക്കട്ടെ ഈ അധ്യാപകദിനത്തില്‍ നമ്മുടെ മനസ്സിലേക്ക് കടന്നുവരേണ്ട ചിന്ത.
ചന്ദ്രികയുമായുള്ള ആത്മബന്ധം തുടങ്ങിയിട്ട് പതിറ്റാണ്ടുകളായി , പിന്നോക്ക ന്യൂനപക്ഷങ്ങളുടെ ശബ്ദമായി ചന്ദ്രിക എന്നെന്നും നിലനിൽക്കണം .![]()
![]()
എല്ലാവരും ചന്ദ്രിക വാർഷിക വരിക്കാരാവുക , നിങ്ങളുടെ സുഹൃത്തുക്കളെയും പ്രിയപെട്ടവരെയുമെല്ലാം വരിക്കാരാക്കുക.![]()
![]()
#ChandrikaCampaign #Et
ഡോ.കഫീല്‍ ഖാനെ എന്‍.എസ്.എ പ്രകാരം ജയിലിലടച്ച നടപടി തെറ്റായിരുന്നുവെന്ന് കോടതി വിലയിരുത്തുകയും അദ്ദേഹത്തെ ഉടന്‍ മോചിപ്പിക്കണമെന്ന് ഉത്തരവിടുകയും ചെയ്ത കോടതി എന്‍.എസ്.എ പ്രകാരം കഫീല്‍ ഖാന് മേല്‍ ചുമത്തിയ കുറ്റങ്ങള്‍ റദ്ദാക്കുകയും ചെയ്തിരിക്കുന്നു. ഈ വിധി വളരെ മനസ്സമാധാനം നൽകുന്ന ഒന്നാണ്. ഭരണകൂടങ്ങൾ അദ്ദേഹത്തോട് ചെയ്ത അനീതിക്കെതിരെ ഞങ്ങള്‍ക്കാവുന്നതെല്ലാം ചെയ്തിരുന്നു. അദ്ദേഹത്തിന് നീതി കിട്ടാന്‍ വേണ്ടി നിരവധി പേര്‍ പ്രാര്‍ത്ഥിച്ചികൊണ്ടിരുന്നുവെന്നതും ഒരു സത്യമാണ്. അദ്ദേഹത്തിനെതിരായ നടപടികളെല്ലാം പക പോക്കലല്ലാതെ മറ്റൊന്നും ആയിരുന്നില്ല കാര്യം എന്നത് എല്ലാവര്‍ക്കും അറിയാവുന്ന ഒരു കര്യമാണ് .പൗരത്വ ഭേദഗതി നിയമത്തിനെതിരെ അലിഗര്‍ സര്‍വ്വകലാശാലയില്‍ സംഘടിപ്പിച്ച പരിപാടിയില്‍ പങ്കെടുത്തതിന്റെ പേരിലാണ് രാജ്യത്ത് പ്രശ്‌നങ്ങള്‍ ഉണ്ടാകുമെന്നും സമുദായ ഐക്യം തകര്‍ക്കുമെന്നും പറഞ്ഞുകൊണ്ടുള്ള ചാര്‍ജ് ചുമത്തി അദ്ദേഹത്തെ ഈ വിധത്തില്‍ വേട്ടയാടിയത്. കാര്യം ഇതൊന്നുമല്ല അദ്ദേഹം തത്യസന്ധമായി പ്രവര്‍ത്തിക്കുന്ന ഒരു ഡോക്ടറാണ് യോഗി സര്‍ക്കാറിന് തീരെ ഇഷ്ടമില്ലാത്ത ഒരാളാണ്. അതിന് കാരണം എന്തെന്നാല്‍ അദ്ദേഹം നല്ലൊരു മനുഷ്യനാണ് കാര്യങ്ങള്‍ നേരേ ചൊവ്വെ പറയുന്ന, ചെയ്യുന്ന ആളാണ്. ആശുപത്രിയില്‍ ഓക്‌സിജന്‍ കിട്ടാത്തതിന്റെ ഫലമായി പിഞ്ചു കുഞ്ഞുങ്ങളടക്കം മരിച്ച ദാരുണമായ സംഭവമുണ്ടായപ്പോള്‍ പല സ്ഥലങ്ങളിലും പോയി ഓക്‌സിജന്‍ സിലിണ്ടറുകള്‍ എത്തിച്ച് കുറേ കുട്ടികളുടെയെങ്കിലും ജീവന്‍ രക്ഷിക്കുന്നതിന് ആത്മാര്‍ത്ഥമായി പരിശ്രമിച്ച ഒരു ഡോക്ടറായിരുന്നു അദ്ദേഹം . യോഗി ഭരക്കുന്ന സംസ്ഥാനത്ത് വേറെ ഒരാള്‍ രക്ഷകനായി വന്നത് എന്തിന് എന്ന ഹുങ്കും വിഷലിപ്തമായ മനസ്സുമാണ് ഭരണകൂടത്തിനുണ്ടായിരുന്നത്. അതുകൊണ്ട് പല വിധത്തിലും അദ്ദേഹത്തെ വേട്ടയാടി. ഈ സംഭവങ്ങളെല്ലാം തെളിയിക്കുന്ന ഒരു കാര്യമുണ്ട്. ഇങ്ങനെ എത്ര പേര്‍ക്ക് എതിരായി ഇവര്‍ ഈ വിധത്തിലുള്ള കുറ്റകൃത്യങ്ങള്‍ പ്രയോഗിക്കുന്നത് എന്നതാണ്. ദേശദ്രോഹം, അതുപോലെ തന്നെ സ്പര്‍ധ വളര്‍ത്തല്‍ തുടങ്ങിയ കാര്യങ്ങളെല്ലാം ചെയ്യുന്നത് ഭരണകൂടം തന്നെയാണ്. ഇന്ത്യാ മഹാരാജ്യത്തിന്റെ വിശാല താല്‍പര്യങ്ങള്‍ക്ക് എതിരായി രാജ്യത്ത് സ്പര്‍ധ ഉണ്ടാക്കുന്നതിന് വേണ്ടി നിരന്തരമായി പ്രസംഗിക്കുകയും പ്രവര്‍ത്തിക്കുകയും ചെയ്യുന്ന ഭരണകൂടത്തിന്റെയും നരേന്ദ്രമോഡിയുടെയുമൊക്കെ വലം കൈ എന്ന് വിശേഷിപ്പിക്കുന്ന ആളാണ്. ഏതായിരുന്നാലും ഈ സര്‍ക്കാറിന്റെ ഏകാധിപത്യ പ്രവണതക്ക് നേരെ ആര്‍ക്കും ഒന്നും പറഞ്ഞ് കൂടാ. പറഞ്ഞാല്‍ അവര്‍ക്കെതിരെ തീവ്രവാദ കുറ്റം രാജ്യദ്രോഹകുറ്റം എന്നിവയൊക്കെ ചുമത്തി അകത്തിടും എന്ന അവരുടെ തീരുമാനത്തിന്റെ ഭാഗമാണിത് . ![]()
രാജ്യത്തെ ബാധിക്കുന്ന വളരെ പ്രധാനമായ ഒരു നിയമങ്ങളാണ് രാജ്യദ്രോഹ കുറ്റവും ദേശ സുരക്ഷ നിയമവുമെല്ലാം. അതെല്ലാം തന്നെ വലിയ കാര്യങ്ങളാണ്. പക്ഷേ രാജ്യത്ത് എന്ത് സംഭവിച്ചാലും അവര്‍ക്ക് പ്രശ്‌നമില്ല. ഈ നിയമമൊക്കെ തങ്ങളുടെ കുടിലമായ രാഷ്ട്രീയ അഭിലാഷം കാത്തുസൂക്ഷിക്കുന്നതിന് വേണ്ടി ആയുധമായി ഉപയോഗപ്പെടുത്തുകയാണ്. എല്ലാവരുടെയും വായ മൂടികെട്ടുന്നു, എല്ലാ വ്യവസ്ഥിതികളെയും തങ്ങളുടെ ഉള്ളം കയ്യില്‍ ഒതുക്കുന്നു. ആ വിധത്തില്‍ ഓരോന്നായി പുറത്ത് എടുത്ത്‌ കൊണ്ടിരിക്കുന്നു. ഈ കാലഘട്ടത്തില്‍ എതിര്‍പ്പിന്റെ സ്വരം ഉണ്ടാകരുതെന്നാണ് അവരുടെ ലക്ഷ്യം. ആ ലക്ഷ്യത്തെ അംഗീകരക്കാതിരിക്കാനും അതിനെതിരെ പ്രതികരിക്കാനും ആളുകള്‍ മുന്നോട്ട് വരേണ്ടതുണ്ട്. അതില്‍ എല്ലാവര്‍ക്കും അവരുവരുടേതായ ജോലി ചെയ്യാനുണ്ട്. പാര്‍ലമെന്റില്‍ കഫീല്‍ ഖാനെതിരായിട്ടുള്ള നീക്കത്തെ പറ്റിയും സഞ്ജീവ് ഭട്ടിനോട് കാണിച്ച ക്രൂരതക്കെതിരെ പറ്റിയും ഒരു ജനപ്രതിനിധി എന്ന നിലയില്‍ സമയം കണ്ടെത്തി സംസാരിക്കാന്‍ കഴിഞ്ഞതിലുള്ള ഈ എളിയവന്റെ ചാരിതാര്‍ത്ഥ്യവും ഈ വിധി വായിച്ചതിന് ശേഷം അല്‍പം ആത്മസംതൃപ്തിയോട് കൂടി രേഖപ്പെടുത്തെട്ടെ. അനീതിക്കെതിരായിട്ടുള്ള ധര്‍മ്മ യുദ്ധത്തില്‍ നന്‍മ ആഗ്രഹിക്കുന്ന മുഴുവന്‍ ആളുകളും ഒന്നിച്ച് നില്‍ക്കേണ്ട ഒരു സന്ദര്‍ഭമാണിത്. ആ സന്ദര്‍ഭത്തിന്റെ ഒരു ഉള്‍വിളി ആയിരിക്കണം ഇത്തരം വിധികളിൽ നിന്നും വാര്‍ത്തകളില്‍ നിന്നും നമുക്ക് ലഭിക്കേണ്ടത് എന്ന് കൂടി ഞാന്‍ ഇവിടെ സൂചിപ്പിക്കട്ടെ.
പ്രണബ് മുഖര്‍ജിയുടെ നിര്യാണത്തില്‍ രാഷ്ട്രത്തിന്റെ ദു:ഖത്തില്‍ പങ്ക് ചേരുന്നു. ![]()
അതുല്യ പ്രതിഭാശാലി, പ്രഗത്ഭന്‍, എന്നതല്ലാം എല്ലാവരും പറയുന്ന കാര്യമാണ് അതിലൊന്നും യാതൊരുവിധ വ്യത്യാസങ്ങളില്ല. ഇടപെട്ട, ഏറ്റെടുത്ത മേഖലയിലെല്ലാം അദ്ദേഹം ശോഭിച്ചു. ഞാനദ്ദേഹത്തില്‍ കണ്ട പ്രത്യേകത ഏത് പദവിയിലിരിക്കുമ്പോഴും അദ്ദേഹം കാണിക്കുന്ന വ്യക്തിത്വമാണ്. തന്റെ വ്യക്തമായ കാഴ്ചപ്പാട് എവിടെ ആയിരുന്നാലും മുറുകെ പിടിക്കണമെന്ന അദ്ദേഹത്തിന്റെ സൈദ്ധാന്തിക നിര്‍ബന്ധ ബുദ്ധിയെ പ്രകീര്‍ത്തീകാതെ വയ്യ.![]()
മറ്റൊരു കാര്യം അദ്ദേഹം ധനകാര്യ മന്ത്രിയായിരിക്കെ പാര്‍ലമെന്റില്‍ നടത്തിയ പല പ്രസംഗങ്ങളും ശ്രദ്ധാപൂര്‍വ്വം ഞങ്ങളൊക്കെ കേട്ടുനില്‍ക്കാറുണ്ട്. കാരണം പുസ്തകം നോക്കാതെ, നോട്ട് കുറിക്കാതെ ഇന്ത്യയുടെ സാമ്പത്തിക സാഹചര്യങ്ങളും ഓരോ സെക്ടറിലും ഈ നാട് കൈവരിച്ച നേട്ടങ്ങളും കോട്ടങ്ങളും ഇന്ത്യയുടെ അന്താരാഷ്ട്ര ബന്ധങ്ങളും എല്ലാം കൃത്യമായി പറയാന്‍ കഴിയുന്ന വിശകലന ശേഷി അദ്ദേഹത്തിനുണ്ടായിരുന്നു. ഒരു നോട്ടും കുറിക്കാതെ ഈ കാര്യങ്ങളെ പറ്റിയെല്ലാം അതിമനോഹരമായി, കൃത്യമായി പറയാന്‍ കഴിഞ്ഞിരുന്ന അദ്ദേഹത്തിന്റെ ധിഷണാപരമായ പാണ്ഡിത്യവും അറിവും എന്നെ വളരെയധികം ആകര്‍ഷിച്ച കാര്യമാണ്.![]()
![]()
അദ്ദേഹം ഏറ്റവും വലിയ സെക്യുലറിസ്റ്റ് ആയിരുന്നു അക്കാര്യത്തില്‍ അദ്ദേഹത്തിന് നിശ്ചയദാര്‍ഢ്യമുണ്ടായിരുന്നു. അദ്ദേഹം കാണിച്ച ഒരു സന്‍മനസ്സിനെ കുറിച്ച് ഞാന്‍ ഇവിടെ കുറിക്കാന്‍ ആഗ്രഹിക്കുകയാണ്. ഇ.അഹമ്മദ് സാഹിബ് യു.എന്നില്‍ ചെയ്ത പ്രസംഗങ്ങള്‍ സംഗ്രഹിച്ച ഒരു ഇംഗ്ലീഷ് പുസ്തകം തയ്യാറാക്കിയിരുന്നു. അഹമ്മദ് സാഹിബ് , രാഷ്ട്രപതിയായിരുന്ന അദ്ദേഹത്തോട് ഈ പുസ്തകം അങ്ങ് റിലീസ് ചെയ്യണം എന്ന് പറഞ്ഞു. യാതൊരു മടിയും കൂടാതെ അദ്ദേഹം അത് നിര്‍വ്വഹിച്ചു തന്നു. രാഷ്ട്രപതി ഭവനില്‍ പ്രത്യേകം ക്ഷണിക്കപ്പെട്ട ഒരു സദസ്സില്‍ വെച്ച് പുസ്തകം റിലീസ് ചെയ്തു കൊണ്ട് അദ്ദേഹം പറഞ്ഞ നല്ല വാക്കുകള്‍ വലിയ ഒരു ബഹുമതിയാണ്.![]()
![]()
അദ്ദേഹത്തെ രാഷ്ട്രപതി സ്ഥാനത്തേക്ക് മത്സരിപ്പിക്കാന്‍ തീരുമാനിച്ച സമയത്ത് ഇന്ത്യയിലെ ജനങ്ങള്‍ക്കിടയില്‍ അടക്കിപ്പിടിച്ച ഒരു സംസാരമുണ്ടായിരുന്നു. ഇദ്ദേഹം ഇപ്പോള്‍ പ്രസിഡണ്ട് സ്ഥാനത്തേക്ക് പോകുകയാണെങ്കില്‍ നമുക്ക് ഇന്ത്യയില്‍ നാളെ പ്രധാനമന്ത്രിയായി അവതരിപ്പിക്കാന്‍ പറ്റിയ ഏറ്റവും നല്ല വ്യക്തിത്വം നഷ്ടമാകുമല്ലോ എന്നതായിരുന്നു അത് . അദ്ദേഹത്തിന് ലഭിച്ചത് വളരെ വലിയ ബഹുമതിയാണെങ്കില്‍ പോലും ഇന്ത്യന്‍ ജനതയുടെ മനസ്സിലുണ്ടായിരുന്ന ഒരു നൊമ്പരമായിരുന്നു ആ ചിന്ത. ഏത് സ്ഥാനത്തേക്കും അദ്ദേഹം പ്രാപ്തനായിരുന്നുവെന്നുള്ളതാണ് ഇത് കാണിക്കുന്നത്. ![]()
താന്‍ കൈകാര്യം ചെയ്ത എല്ലാ മേഖലകളിലും തിളങ്ങി നിന്ന അദ്ദേഹം നമ്മെ വിട്ടുപോയിരിക്കുന്നു. അദ്ദേഹത്തിന്റെ ആത്മാവിന് ഞാന്‍ നിത്യശാന്തി നേരുന്നു.![]()
![]()
#Et
Twitter Feeds
Today I reached back to Kerala after a meeting convened by Central Minister CP Joshy on NREGA. NREmploymentGA is in fact NR Empowerment GA!
Hello All. New to Twitter .Learning abt it .Great Idea.
Checkout ET Muhammed Basheer Watch Video
ET Muhammed Basheer is a Member of Parliament and belongs to the Indian Union Muslim League political party. In the year 2019, he was elected as Member of Parliament in 17th Lok Sabha representing Ponnani, Kerala. Also, he was elected as Member of Parliament in 15th and 16th Lok Sabha from Ponnani constituency in the years 2009 and 2014, respectively. In addition, he was elected as Member of Kerala Legislative Assembly from Tirur constituency in the years 1991, 1996 and 2001, respectively.
About Neta
| Permanent address | Soumyam, Mapram, P.O Cheruvanyur, Vazhakkad, Malappuram, Kerala- 673645 |
| Constituency name | Ponnani |
| Date of birth | 1946-07-01 |
| Age | 73 Years |
| Gender | male |
| Place of birth | Vazhakkad |
| Citizenship | indian |
| Other political affiliations | NA |
| Party name | Indian Union Muslim League |
| Education | 10th Pass |
| Profession | Social Worker |
| Father's name | ET Moosakkutty |
| Mother's name | Pathumma |
| Spouse's name | Rukhiya Basheer |
| Spouse profession | Housewife |
| [email protected] | |
| Fax | (011) 23752428 |
Assets & Liabilities
| Assets | Rs 8,103,274 |
| Liabilities | Rs 0 |
Details of Criminal Cases
Nothing found.
Write Review
Is this your profile?
