Dilip Dattatray Walse Patil

राष्ट्रोन्नती आणि सर्व घटकांच्या प्रगतीचा आलेख उंचावत ठेवण्यासाठी प्रत्येक व्यक्तीचे मत अमूल्य ठरत असते. लोकशाहीला बळकट करण्यासाठी प्रत्येक नागरिकाने मतदानाचा हक्क बजावायलाच हवा. मतदानाचे कर्तव्य पार पाडण्याचा निश्चय करूया. सर्वांना राष्ट्रीय मतदार दिनाच्या शुभेच्छा!

देशाला इंग्रजांच्या गुलामगिरीतून मुक्त करण्यासाठी नेताजी सुभाषचंद्र बोस यांनी आझाद हिंद सेनेची स्थापना केली. दृढनिश्चय, निर्भयता आणि मुत्सद्देगिरीने त्यांनी इंग्रजांशी लढा दिला. भारतीय स्वातंत्र्य संग्रामातील महान क्रांतीकारक नेताजी सुभाषचंद्र बोस यांना जयंती दिनी विनम्र अभिवादन!

अत्यंत पराक्रमी, युद्धनीती निपुण, उत्तम प्रशासक आणि मुत्सद्दी योद्धे शहाजीराजे भोसले यांच्या पुण्यतिथीनिमित्त त्यांच्या पवित्र स्मृतींना विनम्र अभिवादन!

जनमानसावर पकड असलेले राजकारणी, अमोघ वक्ते, उत्तम लेखक, सामाजिक प्रश्नांवर वेधक भाष्य करणारे व्यंगचित्रकार असे बहुआयामी व्यक्तिमत्व स्व. बाळासाहेब ठाकरे यांना लाभले होते. मराठी जनतेच्या मनातील अस्मितेचा आवाज उमटवणारे शिवसेना प्रमुख बाळासाहेब ठाकरे यांना जयंती दिनी विनम्र अभिवादन!

ज्येष्ठ, व्यासंगी पत्रकार दिनकर रायकर यांचे निधन अत्यंत दुःखद आहे. आपल्या पाच दशकांच्या प्रदीर्घ कारकिर्दीत त्यांनी राजकीय व सामाजिक प्रगल्भतेने, पत्रकारितेची मूल्ये जपत वाटचाल केली. दिनकर रायकर यांना भावपूर्ण श्रद्धांजली.